- ປະເທດຍີ່ປຸ່ນ: ຫ້າມໃຫ້ທິບ ວັດທະນະທຳຍີ່ປຸ່ນບໍ່ມີການໃຫ້ທິບ ເພາະຄົນຍີ່ປຸ່ນຖືການໃຫ້ບໍລິການເປັນໜ້າທີ່ ບໍ່ໄດ້ເຮັດເພື່ອຫວັງຜົນຕອບແທນ
- ປະເທດນອກແວ: ແມ່ນຢູ່ວ່າ ປະເທດນອກແວ ບໍ່ຈິງຈັງກັບເລື່ອງ “ອະນາຈານ” ເຊິ່ງເປັນເລື່ອງປົກກະຕິທີ່ພວກເຂົາປ່ຽນເຄື່ອງນຸ່ງໃນຫາດຊາຍ ແຕ່ຖ້າຫາກເຈົ້າເຫັນກໍຫ້າມເບິ່ງເຂົາເດັດຂາດ
- ປະເທດລັດເຊຍ: ຫາກຈະມອບດອກໄມ້ໃຫ້ໃຜຄວນນັບຈຳນວນດອກໃຫ້ດີ ເພາະຄົນມັກມອບດອກໄມ້ທີ່ມີຈຳນວນຄີກໃຫ້ກັນໃນງານສະເຫຼີມສະຫຼອງຕ່າງໆ ສ່ວນຊໍ່ທີ່ມີຈຳນວນດອກໄມ້ເປັນຈຳນວນຄູ່ຈະໃຫ້ໃນງານສົບເທົ່ານັ້ນ, ຫ້າມເອົາເກີບທີ່ໃສ່ຍ່າງຢູ່ນອກ ມາໃສ່ຍ່າງໃນເຮືອນ, ຫ້າມອວຍພອນວັນເກີດ ກ່ອນຮອດມື້ແທ້ ເພາະພວກເຂົາຖືວ່າເປັນລາງຮ້າຍ ອາດເກີດເຫດຮ້າຍກ່ອນຈະຮອດມື້ວັ້ນເກີດ, ຫ້າມຖາມເຖິງປະຫວັດສາດການເມືອງຂອງລັດເຊຍ ໂດຍສະເພາະເມື່ອລົມກັບຄົນທີ່ອາຍຸ 40 ປີຂຶ້ນໄປ
- ປະເທດມາເລເຊຍ: ຫ້າມຈັບຫົວ ຫຼືສົ່ງເຄື່ອງຂ້າມຫົວ ແລະຖ້າຫາກຈຳເປັນຕ້ອງຊີ້ ໃຫ້ໃຊ້ນິ້ວໂປ້ຊີ້ ຫ້າມໃຊ້ນິ້ວຊີ້ ໂດຍເດັດຂາດ
- ປະເທດອິນເດຍ: ຫ້າມກອດຈູບ ຫຼືຈັບມືກັນໃນບ່ອນສາທາລະນະ ແລະຖ້າເປັນເພດກົງກັນຂ້າມກັນຈັບມືກັນ (shake hands) ໃນທີ່ສາທາລະນະກໍບໍ່ຄວນເຮັດ, ຫ້າມໃຊ້ຕີນເຂ່ຍ ຫຼືໃຊ້ຕີນຖືກສິ່ງທີ່ຖືວ່າສູງກວ່າເຊັ່ນ: ກາສັນຍະລັກຕ່າງໆ ຫຼືໜັງສື
- ປະເທດເຢຍລະມັນ: ຫ້າມມີສິ່ງຂອງທີ່ມີກາສັນຍະລັກຂອງພັກນາຊີ ໄວ້ຄອບຄອງ, ຫ້າມເຮັດທ່າທີທັກທາຍແບບນາຊີ ນີ້ຖືວ່າເປັນກົດໝາຍ ແລະມີນັກທ່ອງທ່ຽວຖືກຈັບຂໍ້ຫານີ້ທຸກປີ, ຫ້າມອວຍພອນວັນເກີດກ່ອນຈະເຖິງມືແທ້
- ອິນໂດນີເຊຍ: ຫ້າມແຕະຕ້ອງໂຕໃຜ, ຫ້າມຢິບເຄື່ອງ, ຫ້າມກິນ ໂດຍໃຊ້ມືຊ້າຍ ເພາະຄົນອິນໂດນີເຊຍ ໃຊ້ມືຊ້າຍໃນການລ້າງກົ້ນ ຈຶ່ງຖືວ່າບໍ່ສຸພາບ
- ປະເທດອີຕາລີ: ເມື່ອເຈົ້າຂອງເຮືອນຕັກອາຫານໃຫ້ຈົ່ງຮັບເອົາ, ຫ້າມປະຕິເສດ ເພາະຖືວ່າບໍ່ສຸພາບ ເຈົ້າຂອງເຮືອນອາດຄິດວ່າເຈົ້າບໍ່ມັກອາຫານທີ່ລາວເຮັດ, ຫ້າມສັ່ງຄາປູຊິໂນ່ຫຼັງອາຫານເຊົ້າ ເພາະມັນຄືກາເຟທີ່ດື່ມກັບອາຫານເຊົ້າເທົ່ານັ້ນ
