ຂປລ. ຄະນະກອງທຶນສາມັກຄີພັດທະນາລາວ ໄດ້ມອບເຄື່ອງຊ່ວຍເຫລືອ ມູນຄ່າ 680 ລ້ານກີບ ໃຫ້ສູນກາງແນວລາວສ້າງຊາດ, ສະພາແຫ່ງຊາດ ແລະ ຫ້ອງວ່າການ ສໍານັກງານນາຍົກລັດຖະມົນຕີ ເພື່ອນໍາໄປຊ່ວຍເຫລືອສັງຄົມ ແລະ ຜູ້ດ້ອຍໂອກາດຢູ່ເຂດຫ່າງໄກສອກຫລີກ.
ພິທີມອບເຄື່ອງຊ່ວຍເຫລືອດັ່ງກ່າວ, ໄດ້ຈັດຂຶ້ນໃນວັນທີ 19 ພະຈິກນີ້ ທີ່ນະຄອນຫລວງວຽງຈັນ, ມອບໂດຍ ປະທານຄະນະກອງທຶນ ສາມັກຄີພັດທະນາລາວ, ຮັບໂດຍ ທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ, ທ່ານ ສົມພັນ ແພງຄຳມີ ຮອງປະທານສະພາແຫ່ງຊາດ ແລະ ທ່ານ ນາງ ສຸວັນເພັງ ບຸບຜານຸວົງ ລັດຖະມົນຕີປະຈຳຫ້ອງວ່າການ ສຳນັກງານນາຍົກລັດຖະມົນຕີ.
ເຄື່ອງຊ່ວຍເຫລືອນໍາມາມອບຄັ້ງນີ້ ປະກອບມີຜ້າຫົ່ມ, ປາກະປ໋ອງ, ເຂົ້າສານ, ຖົງຕີນ, ຖົງມື ລວມມູນຄ່າ 680 ລ້ານກີບ. ໃນນັ້ນ, ໄດ້ມອບໃຫ້ສູນກາງແນວລາວສ້າງຊາດ 400 ລ້ານກີບ, ສະພາແຫ່ງຊາດ 140 ລ້ານກີບ ແລະ ມອບໃຫ້ຫ້ອງວ່າການ ສໍານັກງານນາຍົກລັດຖະມົນຕີ 140 ລ້ານກີບ.
ແຫລ່ງຂ່າວ:
ຕິດຕາມເຮົາທາງFacebook ກົດຖືກໃຈເລີຍ!