ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປລາວ ໄດ້ຖະແຫລງຍອມຮັບຕໍ່ກອງປະຊຸມສະໄໝ ສາມັນ ຄັ້ງທີ 2 ຂອງສະພາແຫ່ງຊາດລາວ ຊຸດທີ 8 ທີ່ດຳເນີນ ກອງປະຊຸມລະຫວ່າງວັນທີ 24 ຕຸລາ ຫາ 18 ພະຈິກ 2016 ທີ່ຜ່ານມາວ່າ ເປັນການຍາກທີ່ລັດຖະບານລາວ ຈະສາມາດຈັດເກັບລາຍຮັບໄດ້ຕາມແຜນການທີ່ວາງໄວ້ ໂດຍເຖິງແມ່ນວ່າ ການຈັດຕັ້ງປະຕິບັດ ໃນເວລານີ້ ຈະໄດ້ດຳເນີນມາດຕະການຕ່າງໆ ຢ່າງມີປະສິດທິພາບສູງຂຶ້ນກວ່າເກົ່າກໍ່ຕາມ ຫາກແຕ່ດ້ວຍການທຸຈະລິດຄໍຣັບຊັນ ທີ່ດຳເນີນມາຢ່າງຍາວນານ ຈຶ່ງເຮັດໃຫ້ເກີດການຮົ່ວໄຫລໃນການຈັດເກັບລາຍຮັບເຂົ້າງົບປະມານຂອງລັດດຖະບານ ຢູ່ເລື້ອຍມາ ດັ່ງທີ່ທ່ານໄດ້ໃຫ້ການຢືນຢັນວ່າ: “ພວກເຮົາກຳລັງມີການຮົ່ວໄຫລຫລາຍ ກ່ຽວກັບການເກັບລາຍຮັບ ລາຍຈ່າຍໃນລະຍະທີ່ຜ່ານມາ ພວກເຮົາກໍ່ຮັບຮູ້ນຳກັນວ່າ ຈຸດຕ່າງໆ ທີ່ພວກເຮົາເວົ້າກັນມານີ້ ທັງສະພາແຫ່ງຊາດ ກໍ່ໄດ້ສະເໜີມານີ້ ຄວາມເປັນຈິງໃນການພັດທະນາຂອງປະເທດເຮົານີ້ ບໍ່ແມ່ນເກີດຂຶ້ນປີກາຍນີ້ ຫຼື ວ່າ 5-6 ເດືອນຜ່ານມານີ້ເທົ່ານັ້ນ ມັນເກີດຂຶ້ນສະສົມມາຫຼາຍປີພໍສົມຄວນ ແຕ່ວ່າບໍ່ທັນສາມາດແກ້ໄຂຕົກໄດ້.”
ຂ່າວຈາກ: ສຳນັກຂ່າວ ວີໂອເອລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!