ສຳນັກຂ່າວຕ່າງປະເທດ ລາຍງານໃນວັນທີ 17 ພະຈິກຜ່ານມານີ້ວ່າ ທ່ານ ເຈີ່ນດ້າຍກວາງ ປະທານປະເທດຫວຽດນາມ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງຂອງຫວຽດນາມ ໄດ້ເດີນທາງໄປຢ້ຽມຢາມ ສາທາລະນະລັດກູບາ ຢ່າງເປັນທາງການ ໃນລະຫວ່າງວັນທີ 15–17 ພະຈິກ ທີ່ນະຄອນຫຼວງລາຮາວານ ເພື່ອຮັດແໜ້ນການພົວພັນຮ່ວມມື ລະຫວ່າງສອງປະເທດ.
ໃນລະຫວ່າງການພົບປະຫາລືກັນກັບ ທ່ານປະທານສະພາແຫ່ງລັດ ແລະ ສະພາລັດຖະມົນຕີກຸູບາ (ປະທານາທິບໍດີ) ຣາອູນ ກາສໂຕຣ ສອງຝ່າຍໄດ້ຕົກລົງເຫັນດີສືບຕໍ່ເພີ່ມທະວີການຮ່ວມມື ໃນບັນດາຂົງເຂດເສດຖະກິດ, ການຄ້າ, ການລົງທຶນ, ວິທະຍາສາດ – ເຕັກໂນໂລຊີ, ກະສິກຳ, ຂົງເຂດກໍ່ສ້າງພື້ນຖານໂຄງລ່າງການທ່ອງທ່ຽວ, ການຜະລິດວັດສະດຸກໍ່ສ້າງ ແລະ ເຄື່ອງໃຊ້ສອຍ. ນອກຈາກນັ້ນ, ທັງສອງຝ່າຍ ຍັງໄດ້ຢືນຢັນສືບຕໍ່ເພີ່ມທະວີການຮ່ວມມື ແລະ ສະໜັບສະໜູນເຊິ່ງກັນ ແລ ະກັນ ຢູ່ບັນດາອົງການຈັດຕັ້ງສາກົນ ເພື່ອປະກອບສ່ວນຢ່າງຕັ້ງໜ້າ ເຂົ້າໃນການຕໍ່ສູ້ລວມ ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ສອງພາກພື້ນ ແລະ ໃນໂລກ.
ຕິດຕາມເຮົາທາງFacebook ກົດຖືກໃຈເລີຍ!