ໃນຄໍລຳໜັງໃໝ່ ມື້ນີ້ ແອັດມິນຈະພາທຸກຄົນມາຕິດຕາມຮູບເງົາຊີຣີທາງຝັ່ງຂອງເກົາຫຼີໃຕ້ກັນແນ່ຈັກໜ່ອຍ ເພາະຕອນນີ້ທາງຊ່ອງຊີຣີ້ດັງຢ່າງ ຊ່ອງ SBS ໄດ້ປ່ອຍຊີຣີເລື່ອງໃໝ່ອອກສາຍຢ່າງ The Legend of the Blue Sea ພຽງແຕ່ປ່ອຍອອກອາກາດຕອນທຳອິດກໍ່ສາມາດເຮັດເຣດຕິ້ງນຳເປັນອັນດັບທີ 1
ຮູບເງົາຊີຣີ ແນວໂຣແມນຕິກແຟນຕາຊີ The Legend of the Blue Sea ໄດ້ 2 ຊຸບເປີ້ສະຕາແຫ່ງຍຸກມາສະແດງຄູ່ກັນເປັນຄັ້ງທຳອິດ “ຈວນຈີຮຸນ ” ກັບ “ລີມິນໂຮ” ແລະ ຍັງມີນັກສະແດງແຖວໜ້າຫຼາຍຄົນຮ່ວມສະແດງໃນຮູບເງົາຊີຣີເລື່ອງນີ້ນຳດ້ວຍ ຮືມ…! ຈາກການທີ່ແອັດມິນໄດ້ເບິ່ງກໍ່ຮູ້ສຶກວ່າເລື່ອງນີ້ເປັນອີກເລື່ອງໜຶ່ງທີ່ມ່ວນ, ໜ້າລຸ້ນໜ້າຕິດຕາມສຸດໆ ແລະ ຫວັງວ່າຄົງຖືກໃຈຄໍຊີຣີເກົາຫຼີຫຼາຍຄົນແນ່ນອນ ສະນັ້ນ ແອັດກໍ່ບໍ່ພາບທີ່ຈະເອົາເລື່ອງຫຍໍ້ຂອງຊີຣີເລື່ອງນີ້ມາໃຫ້ອ່ານ ແລະ ລິ້ງເຂົ້າເບິ່ງ
The Legend of the Blue Sea ເລື່ອງຫຍໍ້
ໂດຍເປັນເລື່ອງລາວຂອງນາງເງືອກສາວ ທີ່ຖືກສ້າງຈາກ story collection of “Eou yadam” ໃນນິທານໂຊຊອນ ທີ່ຖືກບັນທຶກໄວ້ ໄດ້ກັບມາເປັນຈິງ ເມື່ອຄິມດັມຮຍອງ ໄດ້ປ່ອຍນາງເງືອກສາວກັບສູ່ທະເລ ເຊິ່ງນາງຖືກຈັບມາໂດຍຊາຍຊາວປະມົງ
ເລື່ອງລາວໄດ້ບອກເລົ່າເຖິງຄວາມຮັກລະຫວ່າງລູກຊາຍຂອງຕະກູນຂຸນນາງໃນຍຸກໂຊຊອນມີນາມວ່າ ດັມລິມ ແລະ ນາງເງືອກສາວ ມີນາມວ່າ ຊິມຊາງ ເຊິ່ງທ່ານສາມາດຕິດຕາມຄວາມຮັກແນວໂຣແມນຕິກຂອງທັງຄູ່ໄດ້ທີ່ນີ້: ລິ້ງເບິ່ງຕອນທຳອິດ ຊີຣີເກົາຫຼີ The Legend of the Blue Sea
ອອກອາກາດທາງຊ່ອງ : SBS
ວັນເວລາ ອອກອາກາດ: ວັນພຸດ-ພະຫັດ ເວລາ 22:00 ໂມງ ຕາມເວລາໃນເກົາຫຼີໃຕ້ ກົງກັບເວລາ 20:00ໂມງ ຕາມເວລາບ້ານເຮົາ ເລີ່ມຕອນທຳອິດ 16 ພະຈິກ 2016
https://youtu.be/paF8HUj6vXc