ສະພາເກົາຫຼີໃຕ້ຜ່ານກົດໝາຍໃຫ້ມີການຕັ້ງໄອຍະການພິເສດສອບສວນປະທານາທິບໍດີ ທ່ານ ນາງ ປຣາກ ກືນເຮ ໃນກໍລະນີຂ່າວສາວເລື່ອງສໍ້ໂກງບ້ານເມືອງ
ສຳນັກຂ່າວຕ່າງປະເທດລາວງານເມື່ອ ວັນພະຫັດທີ່ຜ່ານມາວ່າ ອົງການສະພາແຫ່ງຊາດຂອງປະເທດເກົາຫຼີໃຕ້ໄດ້ຜ່ານກົດໝາຍ ເຊິ່ງຈະອະນຸຍາດໃຫ້ຕັ້ງໄອຍະການພິເສດດຳເນີນການສອບສວນ ປະທານາທິບໍດີເກົາຫຼີໃຕ້ ທ່ານ ນາງ ປຣາກ ກືນເຮ ຢ່າງເປັນອິດສະຫຼະໃນຂໍ້ຫາສໍ້ໂກງ ນອກຈາກນີ້ ຍັງມີການໂຫວດໃຫ້ສະພາດຳເນີນການສອບສວນ ທ່ານ ນາງ ປຣາກ ໃນໂທດຖານໃຫ້ຄົນສະໜິດບໍລິຫານປະເທດຢູ່ເບື້ອງຫຼັງ ແລະ ໃຊ້ຄວາມສະໜິດສະໜົມຫາຜົນປະໂຫຍດໃສ່ຕົວ.
ຕາມກົດໝາຍຂອງເກົາຫຼີໃຕ້ຜູ້ທີ່ດຳລົງຕຳແໜ່ງປະທານາທິບໍດີມີສິດຖືກຄຸ້ມຄອງຈາກການດຳເນີນຄະດີໃດໆ ແຕ່ຍົກເວັ້ນຄະດີທໍລະຍົດຊາດ ແຕ່ທ່ານນາງ ປຣາກ ຈະຖືກສອບສວນໂດຍພາຍໃຕ້ກົດໝາຍໃໝ່ ທ່ານ ນາງ ປຣາກ ມີສິດເລືອກໄອຍະການພິເສດ 1 ຄົນ ຈາກທີ່ຖືກສະເໜີຊື່ໂດຍກຸ່ມຝ່າຍຄ້ານ 2 ຄົນ ເພື່ອໃຫ້ເປັນຜູ້ເຮັດການສອບສວນໃນຄວາມຜິດຂອງນາງ.
ໄອຍະການພິເສດມີສິດຕັ້ງທີມສອບສວນຈຳນວນ 60 ຄົນ ເຊິ່ງສາມາດມີໄອຍະການລັດຮ່ວມທີມໄດ້ບໍ່ເກີນ 20 ຄົນ ແລະ ມີເວລາ 90 ວັນໃນການສອບສວນ ແລະ ຕັດສິນວ່າຈະດຳເນີນການຮ້ອງຟ້ອງຕັ້ງຂໍ້ຫາ ຫຼື ບໍ່ ໂດຍໄລຍະການສຶບສວນສາມາດຂະຫຍາຍໄປເປັນເວລາ 120 ວັນໄດ້ ເຊິ່ງເວລາທີ່ຂະຫຍາຍອອກໄປຕ້ອງໄດ້ຮັບການອະນຸມັດຈາກທ່ານ ນາງ ປຣາກ ເທົ່ານັ້ນ.
ເຄດິດຈາກ: http://www.thairath.co.th/content/786496
ຕິດຕາມຂ່າວເສດຖະກິດລາວ ກົດໄລຄ໌ເລີຍ!