ເຫດເກີດຂຶ້ນເມື່ອມີຜູ້ຍິງຄົນໜຶ່ງທີ່ປະເທດອອສເຕຣເລຍຊື່ວ່າ: Melanie Tan Pelaez ນາງໄດ້ສາກໂທລະສັບ Apple iPhone 7 ໄວ້, ໃນຂະນະດຽວກັນລາວກໍນອນຫຼັບປະໂທລະສັບໄປ. ເມື່ອນາງຕື່ນຂຶ້ນມາກໍພົບວ່າແຂນເບື້ອງຂວາຂອງນາງແດງ ແລະຮູ້ສຶກເຈັບຊາໆຕັ້ງແຕ່ກົກແຂນໄລ່ລົງມາ.
ຫຼັງຈາກນັ້ນນາງກໍໄປໂຮງໝໍແລະພົບວ່ານາງໄດ້ຮັບບາດໄຟໄໝ້ໃນລະດັບ 2 ຈາກວັດຖຸຊະນິດໜຶ່ງ (ໂຊກດີທີ່ເດັກໃນທ້ອງປອດໄພ), ພ້ອມນີ້ທ່ານໝໍກໍບອກນາງໃຫ້ລອງໄປກວດສອບບໍລິເວນຕຽງນອນວ່າສາເຫດເກີດຈາກຫຍັງ. ເມື່ອນາງກັບມາບ້ານແລ້ວນາງກໍພົບວ່າໂທລະສັບ iPhone 7 ນັ້ນເປັນສາເຫດທີ່ແທ້ຈິງ (ບາດທີ່ນາງໄດ້ຮັບກົງກັບຮອຍຈາກໂທລະສັບ ແລະອັນສາກ).
ຕໍ່ມານາງກໍໄດ້ເອົາໂທລະສັບໄປທີ່ຮ້ານ Apple Store ໃນທ້ອງຖິ່ນ ແລະໄດ້ຮັບການພິສູດແລ້ວວ່າເປັນຄວາມຜິດແທ້ ພ້ອມກັນນີ້ໂຕເຄື່ອງກໍໄດ້ຖືກສົ່ງຕໍ່ເພື່ອໄປທົດສອບທີ່ Cupertino ຕໍ່ໄປ. ໃນຂະນະດຽວກັນນາງກໍໄດ້ຮັບຂໍ້ສະເໜີໃຫ້ຮັບເອົາ iPhone 7 ເຄື່ອງໃໝ່ ແຕ່ນາງກໍປະຕິເສດໄປຍ້ອນເຫດຜົນທີ່ບໍ່ໄວ້ໃຈໃນຄວາມປອດໄພຂອງໂຕເຄື່ອງອີກແລ້ວ ເຖິງວ່ານາງຈະເປັນຜູ້ໃຊ້ຄົນໜຶ່ງທີ່ໃຊ້ໂທລະສັບ iPhone ມາຕັ້ງແຕ່ລຸ້ນທຳອິດພຸ້ນກໍຕາມ.
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: phonearena