ຂປລ. ວັນທີ 15 ພະຈິກ 2016 ຢູ່ທີ່ໂຮງຮຽນປະຖົມໂພນສະຫວ່າງ ເມືອງປາກຊັນ ແຂວງບໍລິຄຳໄຊ ໄດ້ຈັດພິທີຮັບສະມາຊິກ ເຍົາວະຊົນ ແລະ ອະນຸຊົນທັນວາຂຶ້ນ ເປັນກຽດເຂົ້າຮ່ວມຂອງ ທ່ານ ຈັນທະວອນ ພົມມະຈັນ ຄະນະປະຈຳພັກເມືອງ, ທ່ານ ນາງ ຄໍາໃບ ບໍລິວັນ ຮອງເລຂາຄະນະບໍລິຫານງານຊາວໜຸ່ມແຂວງບໍລິຄຳໄຊ, ພ້ອມຄູອາຈານ, ຜູ້ປົກຄອງ ແລະ ນ້ອງນັກຮຽນພາຍໃນ 7 ໂຮງຮຽນເຂົ້າຮ່ວມຢ່າງພ້ອມພຽງ.
ພ້ອມດຽວກັນນີ້ ທ່ານ ຈັນທະວອນ ພົມມະຈັນ, ຄະນະປະຈຳພັກເມືອງໄດ້ໂອ້ລົມ ແລະ ຍ້ອງຍໍຊົມເຊີຍຕໍ່ບັນດານ້ອງ, ຫລານທີ່ໄດ້ຕັ້ງໜ້າຝຶກຝົນຫລໍ່ຫລອມຕົນເອງ, ເປັນຜູ້ທີ່ດີເດັ່ນ, ຫ້າວຫັນ, ທ່ານໄດ້ເນັ້ນໜັກໃຫ້ສະມາຊິກເຍົາວະຊົນ, ອະນຸຊົນ ຈົ່ງເປັນຜູ້ທີ່ມີຄຸນສົມບັດສິນທຳປະຕິວັດ, ຮຽນເກັ່ງເສັງໄດ້ ເປັນນັກຮຽນດີຂອງໂຮງຮຽນ, ເປັນລູກທີ່ດີຂອງພໍ່ແມ່, ຈື່ຈຳຄຳສອນຂອງທ່ານຜູ້ນຳ 6 ຮັກ, 3 ຊັງ, ຂໍ້ແຂ່ງຂັນ 3 ດີ, 4 ຮູ້, ເປັນຜູ້ສືບທອດທີ່ດີຂອງປະເທດຊາດໃນອະນາຄົດ.
ແຫລ່ງຂ່າວ:
ຕິດຕາມເຮົາທາງFacebook ກົດຖືກໃຈເລີຍ!