ດົນແລ້ວທີ່ເຮົາບໍ່ໄດ້ຍິນຜົນງານເພງຂອງສີລະປິນໜຸ່ມສຽງຂັ້ນເທບ ຢ່າງ ຕົ້ນ ອານິລຸດ ເຈົ້າຂອງຜົນງານເພງດັງໃນເມື່ອກ່ອນຢ່າງ ເພງ ຮອຍຮັກ, ເພງ ເພາະສັກສີ ແລະ ອີກຫຼາຍໆຜົນງານເພງ ຫຼັງຈາກທີ່ລາວໄດ້ຫ່າງຫາຍຈາກວົງການເພງລາວໄປດົນເປັນເວລາເຖິງ 4 ປີ ແລະ ຕອນນີ້ ຕົ້ນ ອານິລຸດ ກໍ່ໄດ້ກັບມາກັບຜົນງານເພງໃໝ່ ເພງທີ່ມີຊື່ວ່າ “ຮັກຄືເກົ່າ” ເຊິ່ງເປັນເພງທີ່ແຕ່ງຈາກສີລະປິນຊື່ດັງຂອງເມືອງລາວ ຕີ ອຸດາໄລ ນຸສີຫາລາດ ນັ້ນເອງ ຟັງແຕ່ຊື່ຜູ້ແຕ່ງເພງ ກັບ ນັກຮ້ອງເພງນີ້ກໍ່ໝັ້ນໃຈຢູ່ແລ້ວວ່າຄຸນນະພາບຄັບເພງແນ່ນອນ.
ໃນຊ່ວງແນະນຳເພງໃໝ່ ກັບ ລາວໂພສຕ໌ ມື້ນີ້ແອັດມິນກໍ່ບໍ່ພາດທີ່ຈະມາອັບເດດກ່ຽວກັບຜົນງານເພງໃໝ່ຂອງ ຕົ້ນ ອານິລຸດ ໃຫ້ແຟນເພສໄດ້ຟັງນຳກັນ ຕ້ອງຂໍບອກເລີຍວ່າເນື້ອໃນຂອງເພງມີຄວາມໝາຍເລິກຊຶ້ງ, MV ເພງກໍ່ຊຶ້ງໆ ຢາກໃຫ້ທຸກຄົນໄດ້ລອງເບິ່ງ ລອງຟັງນຳກັນ ເຊິ່ງທ່ານສາມາດຫາຟັງໄດ້ທີ່ ເພສຂອງລາວໂພສຕ໌ ຫຼື ຟັງທີ່ youtube.
ຖ້າໃຜທີ່ເປັນແຟນເພງຂອງ ຕົ້ນ ອານິລຸດ ກໍ່ສາມາດຕິດຕາມຜົນງານເພງຂອງເພິ່ນໄດ້
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!