ການດູແລຕົວເອງຫຼັງເກີດລູກໃໝ່ ທ່ານມັກຈະມີຄວາມກັງວົນໃນການຫຼຸດນ້ຳໜັກຫຼັງເກີດລູກໃໝ່ໃຫ້ກັບມາຫຸ່ນດີຄືກັບຕອນເປັນສາວ ໃນຄໍລຳ ແມ່ ແລະ ລູກ ມື້ນີ້ແອັດມິນມີ 4 ສິ່ງທີ່ບໍ່ຄວນເຮັດໃນການຫຼູດນ້ຳໜັກຂອງແມ່ຫຼັງເກີດລູກໃໝ່ ມາແນະນຳໃຫ້ຮູ້ ເຊິ່ງຈະມີຫຍັງແນ່ນັ້ນ ເຮົາມາອ່ານນຳກັນເລີຍ

1.​ ການອົດອາຫານ ວິທີນີ້ອາດເປັນວິທີທີ່ເຮັດໃຫ້ທ່ານຈ່ອຍໄດ້ແທ້ ແຕ່ມັນເປັນອັນຕະລາຍຕໍ່ສຸຂະພາບຂອງທ່ານຫຼາຍ ໂດຍສະເພາະແມ່ທີ່ຕ້ອງໃຫ້ນົມລູກບໍ່ຄວນເຮັດ ແລະ ເມື່ອເລີກອົດອາຫານ ແລ້ວກັບໄປກິນອາຫານຍິ່ງຈະເຮັດໃຫ້ຕຸ້ຍຕື່ມ

2. ທົດລອງສູດຫຼູດນ້ຳໜັກແປກໆຕາມແຟຊັ່ນ ວິທີນ້ຳຈະບໍ່ສາມາດຫຼຸດນ້ຳໜັກໄດ້ແບບຖາວອນ

3. ຊື້ຢາ ຫຼື ເຄື່ອງດື່ມຫຼຸດນ້ຳໜັກມາກິນ ຢາຈຳພວກນີ້ຈະເຮັດໃຫ້ນ້ຳໜັກຫຼຸດລົງໄວແຕ່ເມື່ອເໍຊົາກິນແລ້ວນ້ຳໜັກກໍ່ຈະຂຶ້ນໄວ ແລະ ອາດຈະຕຸ້ຍກວ່າເກົ່າ ແລະ ຮ້າຍແຮງໄປກວ່ານັ້ນອາດເປັນອັນຕະລາຍຕໍ່ສຸຂະພາບຄົນກິນອີກດ້ວຍ

4. ອອກກຳລັງກາຍຫຼາຍເກີນໄປ ເພາະວິທີນີ້ຈະສົ່ງຜົນໃຫ້ຮໍໂມນຄວາມຄຽດສູງຂຶ້ນ ແລະ ເຮັດໃຫ້ຮູ້ສຶກຫິວຫຼາຍຂຶ້ນກວ່າເກົ່າ

ການຫຼຸດນ້ຳໜັກຫຼັງເກີດລູກນັ້ນມັນຕ້ອງໃຊ້ເວລາ ໃຈເຢັນໆຄ່ອຍເປັນຄ່ອຍໄປ ກ່ອນອື່ນຕ້ອງເລີ່ມຈາກປັດປຽນວິໄນການກິນຂອງເຮົາກ່ອນຕ້ອງກິນໃນປະລິມານພໍດີ, ກິນຖືກເວລາ ແລະ ກິນອາຫານທີ່ມີປະໂຫຍດ ສ່ວນການອອກກຳລັງກາຍກໍ່ຄວນເຮັດຢ່າງພໍດີເໝາະສົມກັບສະພາບຮ່າງກາຍຂອງເຮົາ ພັກຜ່ອນໃຫ້ພຽງພໍ ດື່ມນ້ຳໃຫ້ຫຼາຍໆ ເມື່ອເຮົາຕັ້ງໃຈວ່າສິຫຼຸດນ້ຳໜັກໃຫ້ໄດ້ ທຸກຢ່າງມັນກໍ່ບໍ່ໄກເກີນຄວາມພະຍາຍາມແນ່ນອນ

ຕິດຕາມນານາສາລະ ກົດໄລຄ໌ເລີຍ!