Homeຂ່າວຕ່າງປະເທດຫວຽດນາມປົດຕຳແໜ່ງຍ້ອນຫລັງ ອະດີດລັດຖະມົນຕີ ກະຊວງອຸດສາຫະກຳ ແລະ ການຄ້າ ຖານຫລິ້ນພັກຫລິ້ນພວກ!

ຫວຽດນາມປົດຕຳແໜ່ງຍ້ອນຫລັງ ອະດີດລັດຖະມົນຕີ ກະຊວງອຸດສາຫະກຳ ແລະ ການຄ້າ ຖານຫລິ້ນພັກຫລິ້ນພວກ!

Published on

ສຳນັກຂ່າວຕ່າງປະເທດ ລາຍງານໃນວັນທີ 10 ພະຈິກນີ້ວ່າ ຄະນະເລຂາທິການສູນກາງ ພັກກອມມູນິດຫວຽດນາມ ໄດ້ມີມະຕິຕົກລົງ ໃນວັນທີ 3 ພະຈິກ 2016 ລົງໂທດທາງວິໄນ ສະຫາຍ ຫວູ ຮູຍ ຮວ່າງ (Vũ Huy Hoàng) ອະດີດເລຂາຄະນະພັກກະຊວງ, ອະດີດລັດຖະມົນຕີກະຊວງອຸດສາຫະກຳ ແລະ ການຄ້າຫວຽດນາມ ດ້ວຍການປົດຕຳແໜ່ງຍ້ອນຫລັງ ໃຫ້ພົ້ນຈາກຕຳແໜ່ງເລຂາຄະນະພັກກະຊວງດັ່ງກ່າວ ເນື່ອງຈາກຄວາມຜິດລະເມີດກົດລະບຽບຂອງພັກ ຕາມການກະທຳຜິດທີ່ໄດ້ກໍ່ຂຶ້ນ ນັບຕັ້ງແຕ່ໄລຍະປີ 2011-2016 ຊຶ່ງເປັນໄລຍະທີ່ທ່ານຍັງດຳລົງຕຳແໜ່ງ ເປັນການນຳສູງສຸດຂອງກະຊວງດັ່ງກ່າວຢູ່.

ການປະຕິບັດວິໄນຍ້ອນຫລັງ ໃຫ້ແກ່ການນຳຂັ້ນສູງຂອງພັກ ກໍລະນີດັ່ງກ່າວນີ້ ແມ່ນອີງຕາມຜົນຂອງການກວດກາຂອງ ຄະນະກວດກາສູນກາງພັກກອມມູນິດຫວຽດນາມ ຊຶ່ງພົບວ່າ ໃນໄລຍະທີ່ ສະຫາຍ ຫວູ ຮູຍ ຮວ່າງ ດຳລົງຕຳແໜ່ງ ເປັນເລຂາຄະນະພັກກະຊວງ ແລະ ທັງເປັນລັດຖະມົນຕີ ກະຊວງອຸດສາຫະກຳ ແລະ ການຄ້ານັ້ນ ໄດ້ມີການກະທຳຜິດຕໍ່ລະບຽບກົດໝາຍ ໃນການແຕ່ງຕັ້ງ, ໂຍກຍ້າຍ ເຈົ້າໜ້າທີ່ລະດັບສູງໃນສັງກັດຫລາຍກໍລະນີ ຊຶ່ງຜິດຕໍ່ກົດລະບຽບຂອງພັກ, ເປັນການໃຊ້ອຳນາດອາຍາສິດ, ແບ່ງພັກແບ່ງພວກ ແລະ ຈຸ້ມເຈື້ອເຊື້ອສາຍ ດ້ວຍການໂຍກຍ້າຍ ທ່ານ ຈິງ ຊວນ ແຖັ່ງ (Trinh Xuan Thanh) ອອກຈາກຕຳແໜ່ງຢ່າງບໍ່ເປັນທຳ ແລ້ວແຕ່ງຕັ້ງ ທ່ານ ຫວູ ກວາງ ຫາຍ (Vu Quang Hai) ລູກຊາຍຂອງຕົນ ຂຶ້ນເປັນຮອງຜູ້ບໍລິຫານ (CEO) ກຸ່ມບໍລິສັດ Saigon Alcohol, Beer and Beverages Corp ຫລື Sabego ຊຶ່ງເປັນລັດວິສາຫະກິດຂະໜາດໃຫຍ່ ໃນສັງກັດກະຊວງຂອງຕົນ, ຄະນະກວດກາສູນກາງພັກກອມມູນິດຫວຽດນາມ ຍັງໄດ້ລະບຸອີກວ່າ ກ່ອນໜ້ານີ້ ລູກຊາຍທ່ານ ຫວູ ຮູຍ ຮວ່າງ ເປັນພຽງປະທານກວດກາ ຢູ່ລັດວິສາຫະກິດຢາສູບ Vianataba ເທົ່ານັ້ນ ກ່ອນທີ່ຈະຖືກພໍ່ຂອງຕົນ ໃຊ້ອຳນາດໂຍກຍ້າຍເຂົ້າໄປດຳລົງຕຳແໜ່ງ ໃນຄະນະກຳມະການບໍລິຫານຂອງ ກຸ່ມບໍລິສັດ Sabego, ຈາກນັ້ນບໍ່ດົນ ກໍຖືກແຕ່ງຕັ້ງໃຫ້ເປັນຮອງ CEO ໃນທີ່ສຸດ.

ທ່ານ ຫວູ ຮູຍ ຮວ່າງ ໄດ້ພົ້ນອອກຈາກຕຳແໜ່ງຂອງຕົນ ແລະ ເຂົ້າຮັບເບ້ຍບຳນານ ໃນເດືອນເມສາ 2016 ທີ່ຜ່ານມານີ້ ພາຍຫລັງທີ່ສະພາແຫ່ງຊາດຫວຽດນາມ ໄດ້ມີການຮັບຮອງເອົາ ຄະນະລັດຖະບານຊຸດໃໝ່ ພາຍໃຕ້ການນຳຂອງ ນາຍົກລັດຖະມົນຕີ ຫງວຽນ ຊວນ ຟຸກ ໃນປັດຈຸບັນ.  ແນວໃດກໍຕາມ, ການຖືກປົດອອກຈາກຕຳແໜ່ງຍ້ອນຫລັງຄືດັ່ງກ່າວ ຈະເຮັດໃຫ້ອະດີດເລຂາຄະນະພັກກະຊວງ ແລະ ອະດີດລັດຖະມົນຕີທ່ານນີ້ ບໍ່ໄດ້ຮັບນະໂຍບາຍໃດໆຈາກລັດ ແລະ ຈະຕ້ອງໄດ້ສົ່ງຄືນເງິນເບ້ຍບຳນານ ລວມທັງຜົນປະໂຫຍດອື່ນໆທີ່ໄດ້ຮັບໄປແລ້ວນັ້ນ ຄືນໃຫ້ແກ່ລັດທັງໝົດ, ພ້ອມດຽວກັນນັ້ນ ພັກກອມມູນິດຫວຽດນາມ ຍັງເປີດໃຫ້ຜູ້ເສຍຫາຍອື່ນໆ ທີ່ສູນເສຍສິດ ແລະ ຜົນປະໂຫຍດ ຈາກການກະທຳຜິດຂອງຜູ້ກ່ຽວ ສາມາດຮ້ອງຟ້ອງດຳເນີນຄະດີທາງແພ່ງ ແລະ ທາງອາຍາໄດ້ ຕາມກົດໝາຍຂອງຫວຽດນາມ.

 

 
ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ເປີດສຽງບໍ່ໃຫ້ເກີນ 80 ດີຊີເບວ ປກສ ນວ ແຈ້ງບັນດາຂໍ້ຫ້າມໃນມື້ບຸນປີໃໝ່ລາວ ຫ້າມເປີດເຄື່ອງສຽງດັງເນືອງນັນເກີນຂອບເຂດ ກໍານົດເວລາການເປີດເຄື່ອງສຽງແມ່ນ 8:00-23:00 ໂມງ

ບັນດາຂໍ້ຫ້າມໃນມື້ບຸນປີໃໝ່ລາວ ອີງຕາມແຈ້ງຂອງກອງບັນຊາການ ປກສ ນະຄອນຫຼວງວຽງຈັນ, ການກະຊວງປ້ອງກັນຄວາມສະຫງົບ ເລກທີ 168 ລົງວັນທີ 07 ເມສາ 2026 ມີດັ່ງນີ້:

ຂະບວນແຫ່ບູຮານລາວ ແຂວງຄໍາມ່ວນ ກຽມຈັດຂະບວນແຫ່ບຸນປີໃໝ່ ຕາມແບບບູຮານລາວ ໃນວັນທີ 16 ເມສາ 2026 ຄາດວ່າຈະມີມວນຊົນເຂົ້າຮ່ວມຫຼາຍກວ່າ 1.000 ຄົນ.

ບຸນສົ່ງທ້າຍປີເກົ່າ ພສ 2568 ແລະ ຕ້ອນຮັບປີໃໝ່ ພສ 2569 ປະເພນີລາວ ທີ່ເຄີຍຈັດຂຶ້ນໃນທຸກໆປີ ສືບທອດກັນມາຢ່າງຍາວນານ, ສຳລັບປີນີ້ ແມ່ນກົງກັບວັນທີ 14-16 ເມສາ...

ຢ່າງເປັນທາງການ ທ່ານ ເລ ມິງ ຮຸ່ງ ໄດ້ຮັບເລືອກຕັ້ງເປັນນາຍົກລັດຖະມົນຕີ ແຫ່ງ ສສ ຫວຽດນາມ ຄົນໃໝ່

ໃນວັນທີ 07 ເມສາ 2026 ນີ້, ຢູ່ນະຄອນຫຼວງຮ່າໂນ້ຍ ສສ ຫວຽດນາມ ສະມາຊິກສະພາແຫ່ງຊາດຊຸດທີ XVI ໄດ້ຮັບຮອງເອົາມະຕິວ່າ ດ້ວຍການເລືອກຕັ້ງ ທ່ານ ເລ...

ມອບເຄື່ອງຊ່ວຍເຫຼືອປະຊາຊົນ 3 ອົງການຈັດຕັ້ງມະຫາຊົນ ກະຊວງປ້ອງກັນປະເທດ ລົງມອບເຄື່ອງຊ່ວຍເຫຼືອ ບ້ານທີ່ໄດ້ຮັບຜົນກະທົບຈາກພາຍຸໝາກເຫັບ

ວັນທີ 1 ເມສາ 2026 ນີ້, 3 ອົງການຈັດຕັ້ງມະຫາຊົນ ກະຊວງປ້ອງກັນປະເທດ, ນຳໂດຍ ສະຫາຍ ພັນເອກ ນາງ ປາ ວົງສະແຫວງ...