ສຳນັກຂ່າວ vovworld ຂອງຫວຽດນາມ ລາຍງານໃນວັນທີ 9 ພະຈິກຜ່ານມານນີ້ວ່າ ທ່ານ ໂຕ​ເລີມ ລັດ​ຖະ​ມົນ​ຕີ​ກະ​ຊວງ​ຕຳຫລວດຫວຽດນາມ ໄດ້​ສະ​ເໜີຕໍ່ກອງປະຊຸມສະພາແຫ່ງຊາດ ເພື່ອຂໍອະນຸມັດໃຫ້ລັດຖະບານ ດຳເນີນການ​ທົດ​ລອງ​ການ​​ອອກ​​ວີ​ຊາໃຫ້​ຊາວ​ຕ່າງ​ປະ​ເທດ ທີ່​ມີ​ຄວາມ​ຕ້ອງ​ການ​ເດີນທາງເຂົ້າປະເທດຫວຽດ​ນາມ ຜ່ານ​ລະ​ບົບ​ເອ​ເລັກ​ໂຕ​ນິກ ໂດຍກຳ​ນົດການຂໍ​ວີ​ຊາ​ເອ​ເລັກ​ໂຕ​ນິກ 1 ຄັ້ງ ບໍ່​ເກີນ 30 ວັນ ຊຶ່ງຈະດຳເນີນການ​ທົດ​ລອງເປັນ​ເວ​ລາ 2 ປີ ເລີ່ມ​ແຕ່ວັນທີ 1 ມັງກອນ 2017 ເປັນຕົ້ນໄປ.

ທ່ານ ໂຕເລິມ ໄດ້ລະບຸວ່າ ການ​​ອອກ​ວີ​ຊາ​ເອ​ເລັກ​ໂຕ​ນິກ​ໃຫ້​ແກ່​ຊາວ​ຕ່າງ​ປະ​ເທດ ທີ່ຕ້ອງການ​ເຂົ້າ​ເມືອງຫວຽດ​ນາມ ແມ່ນເພື່ອຕອບ​ສະ​ໜອງ​ຄວາມ​ຮ​ຽກ​ຮ້ອງ​ຕ້ອງ​ການ​ ໃນເງື່ອນ​ໄຂ​ພັດ​ທະ​ນາ​ເສດ​ຖະ​ກິດ​ຂອງປະ​ເທດ​, ຮັບ​ໃຊ້​ໃຫ້​ພາ​ລະ​ກິດ​ແຫ່ງ​ການ​ເຊື່ອມ​ໂຍງ​ຢ່າງ​ເລິກ​ເຊິ່ງ, ກ້​ວາງ​ຂວາງ, ຮອບ​ດ້ານ​ຂອງຫວຽດ​ນາມ. ພ້ອມ​ກັນ​ນັ້ນ ກໍເປັນການສ້າງ​ເງື່ອນ​ໄຂ​ສະ​ດວກ ​ເພື່ອ​ແນ​ໃສ່​ດຶງ​ດູດຊາວ​ຕ່າງ​ປະ​ເທດ ໃຫ້​ເຂົ້າ​ມາລົງທຶນ ແລະ ທ່ອງທ່ຽວຢູ່ຫວຽດນາມ.

 
 
ຕິດຕາມເຮົາທາງFacebook ກົດຖືກໃຈເລີຍ!