ຫຼັງຈາກຊາວອາເມລິກາຮູ້ຜົນວ່າ ປະທານາທິບໍດີຄົນໃໝ່ຂອງພວກເຂົາ ຄື Donald Trump ສົ່ງຜົນໃຫ້ຝຸງຊົນກຸ່ມໜຶ່ງສະແດງຄວາມບໍ່ພໍໃຈ ດ້ວຍການອອກມາປະທ້ວງເທິງທ້ອງຖະໜົນຫຼາຍເສັ້ນ ຂອງສະຫະລັດອາເມລິກາ ພ້ອມທັງຮ້ອງໂຮວ່າ Trump ບໍ່ແມ່ນປະທານາທິບໍດີຂອງພວກເຂົາ ອີກທັງຍັງເຜົາຢາງຕີນລົດ, ຖັງຂີ້ເຫຍື້ອ ແລະທຸບທຳລາຍແກ້ວປ່ອງຢ້ຽມອີກດ້ວຍ.
ບັນຍາກາດທີ່ລັດຄາລິຟໍເນຍນັ້ນ ມວນຊົນຫຼາຍຮ້ອຍຄົນ ອອກມາລວມໂຕກັນກາງທາງ ຫຼັງມີການປະກາດວ່າ Trump ຊະນະການເລືອກຕັຫ້ງ ຜູ້ປະທ້ວງບາງກຸ່ມໄປໂຮມຢູ່ມະຫາວິທະຍາໄລຄາລິຟໍເນຍ ພ້ອມຮ້ອງວ່າ “ບໍ່ເອົາ Trump”D
ສ່ວນກຸ່ມທີ່ສະໜັບສະໜຸນ ນາງ ຮິລລາຣີ ຄລິນຕັນ ຖືກບັນທຶກພາບຂະນະທີ່ກຳລັງເຜົາທຸງຊາດສະຫະລັດ ພ້ອມເດິນຂະບວນໄປຍັງເສັ້ນທາງຫຼາຍເສັ້ນໃນເມືອງພອຕແລນ ລັດໂອເຣກອນ ແລະຮ້ອງດ່າ ທ່ານ Trump
ນອກຈາກນີ້ ຍັງມີການບັນທຶກພາບກຸ່ມເຄື່ອນໄຫວຈູດຢາງຕີນລົດ ແລະຖັງຂີ້ເຫຍື້ອ ລວມທັງປິດກັ້ນເສັ້ນທາງສຳຄັນຫຼາຍເສັ້ນ ໂດຍທີ່ຜູ້ຄົນຍັງເຜົາຫຸ່ນຈຳລອງຂອງ Trump ອີກດ້ວຍ.
