ສືບເນື່ອງຈາກ ວັນທີ 2 ພະຈິກ 2016 ເວລາປະມານ 7:15 ນາທີ ຢູ່ທີ່ບ້ານໂພນມ່ວງ ເມືອງເຊໂປນ ແຂວງສະຫວັນນະເຂດ ໄດ້ເກີດເຫດມີຜູ້ກໍ່ເຫດ ໃຊ້ປືນຍິງປະຊາຊົນພາຍໃນບ້ານຂອງຕົນ ໄດ້ຮັບບາດເຈັບສາຫັດ 3 ຄົນ ໃນນັ້ນເປັນຍິງ 1 ຄົນ. ເຫດການດັ່ງກ່າວໄດ້ສ້າງຄວາມຕື່ນຕົກໃຈໃຫ້ແກ່ປະຊາຊົນພາຍໃນບ້ານຢ່າງແຮງ ປະຊາຊົນບໍ່ກ້າອອກຈາກເຮືອນຕະຫຼອດຄືນ.
ຕາມການໃຫ້ຂ່າວຂອງເຈົ້າໜ້າທີ່ເມືອງ ເຊໂປນ ບອກວ່າຜູ້ຕ້ອງສົງໄສກໍ່ເຫດຄື ທ້າວ ສົມພອນ ຫຼືຕາບ ເປັນປະຊາຊົນພາຍໃນບ້ານໂພນມ່ວງນັ້ນເອງ ເຊິ່ງມີອາຊີບຄ້າຂາຍ. ສ່ວນສາເຫດຕາມການໃຫ້ການຂອງປະຊາຊົນ ໄດ້ບອກວ່າຜູ້ກ່ຽວມີໜີສິນຈຳນວນຫຼາຍ ແລະມີຄວາມອາຄາດກັບອີກຄອບຄົວໜຶ່ງທີ່ຢູ່ໃກ້ຄຽງມາເປັນເວລາດົນນານ. ພາຍຫຼັງໄດ້ກໍ່ເຫດແລ້ວກໍໄດ້ເອົາໂຕລົບໜີ ເຈົ້າໜ້າທີ່ທີ່ກ່ຽວຂ້ອງກຳລັງຕິດຕາມນຳຈັບຕົວຜູ້ກ່ຽວ ເພື່ອມາສືບສວນສອບສວນ ແລະດຳເນີນຄະດີຕາມລະບຽບກົດໝາຍ.
ຈົນເຖິງແລງຂອງວັນທີ 09/11/2016 ທາງເຈົ້າໜ້າທີ່ຈຶ່ງໄດ້ຮູ້ເບາະແສຂອງຄົນຮ້າຍເຂົ້າຫຼົບລີ້ຢູ່ໃນຕຶກຮ້າງຫຼັງໜຶ່ງ (ພັບຢູໂຣເກົ່າ) ເຈົ້າໜ້າທີ່ຈຶ່ງໄດ້ວາງແຜນຍົກກຳລັງເຂົ້າເພື່ອຈະຈັບຕົວ ແຕ່ຄົນຮ້າຍເກີດໄຫວຕົວທັນຈຶ່ງໄດ້ມີກ່ນຍິງປະທະກັນເກີດຂຶ້ນ ເຮັດໃຫ້ເຈົ້າໜ້າທີ່ຖືກຍິງເສຍຊີວິດ 1 ຄົນ ແລະ ບາດເຈັບອີກ 2 ຄົນ.
ແລະປັດຈຸບັນຍັງບໍ່ມີຂ່າວຄາວເລີວວ່າຈັບໂຈນໄດ້ຫຼືຍັງ ຈັບຕາຍຫຼືຈັບເປັນແຕ່ປະການໃດ
