spot_img
Homeຂ່າວການພັດທະນາພາກສ່ວນກ່ຽວຂ້ອງ ຫາລືກຽມອອກລະບຽບ ການຄຸ້ມຄອງວັງສະຫງວນ ໃຫ້ມີປະສິດທິຜົນ

ພາກສ່ວນກ່ຽວຂ້ອງ ຫາລືກຽມອອກລະບຽບ ການຄຸ້ມຄອງວັງສະຫງວນ ໃຫ້ມີປະສິດທິຜົນ

Published on

ວັນທີ 7-8 ພະຈິກນີ້, ກົມລ້ຽງສັດ ແລະ ການປະມົງ, ກະຊວງກະສິກຳ ແລະ ປ່າໄມ້, ໄດ້ຈັດກອງປະຊຸມປຶກສາຫາລື ການລິເລີ່ມສ້າງຄູ່ມືປະເມີນປະສິດທິພາບການ ສ້າງວັງສະຫງວນຢູ່ ສປປ ລາວ ຂຶ້ນທີ່ນະຄອນຫຼວງວຽງຈັນ, ໂດຍການເປັນປະທານຂອງ ຮອງຫົວໜ້າພະແນກປະມົງ ກົມລ້ຽງສັດ ແລະ ການປະມົງ ມີຜູ້ຕາງໜ້າຈາກອົງການກອງທືນອະນຸລັກທຳມະຊາດໂລກ ປະຈຳລາວ (WWF laos) ແລະ ຂະໜງການລ້ຽງສັດ ແລະ ການປະມົງເຂົ້າຮ່ວມເປັນຈຳນວນຫຼາຍ.

ກອງປະຊຸມໄດ້ລາຍງານປະຫວັດຄວາມເປັນມາ ຂອງການເຮັດວຽກຮ່ວມກັບຊຸມຊົນ ໃນການສ້າງແຫຼ່ງອະນຸລັກປາ ຫຼື ວັງສະຫງວນ, ໂດຍສະເພາະແມ່ນການຊຸກຍູ້ສົ່ງເສີມການປະມົງແບບຍືນຍົງ, ການປົກປັກຮັກສາຊະນິດພັນປາ ແລະ ມາຮອດປັດຈຸບັນທົ່ວປະທເດເຮົາ ສາມາດສ້າງວັງສະຫງວນໄດແລ້ວປະມານ 1 ພັນກວ່າແຫ່ງ, ເພື່ອຕອບສະໜອງການຄ້ຳປະກັນ ດ້ານລະບຽງອາຫານໃຫ້ພຽງພໍກັບຄວາມຕ້ອງການຂອງສັງຄົມ ແລະ ເພື່ອເຮັດໃຫ້ການສ້າງ ແລະ ຄຸ້ມຄອງວັງສະຫງວນມີປະສິດທິພາບ ແລະ ເຂັ້ມງວດກວ່າເກົ່າ, ກົມປະມົງຈຶ່ງໄດ້ຮ່ວມກັບພາກສ່ວນກ່ຽວຂ້ອງຕ່າງໆ, ໂດຍສະເພາະແມ່ນພາກສ່ວນທີ່ນ້ຳໃຊ້ແຫຼ່ງນ້ຳ ຈັດກອງປະຊຸມນີ້ຂຶ້ນ, ເພື່ອສ້າງຄູ່ມື ແລະ ອອກລະບຽບການຄຸ້ມຄອງ ແລະ ແບ່ງເຂດວັງສະຫງວນ ສະເພາະ,ເພື່ອເປັນການອະນຸລັກລະບົບນິເວດຊີວະນາໆພັນທາງນ້ຳ ໃຫ້ມີຄວາມອຸດົມສົມບູນ ແລະ ຍືນຍົງ, ຊຶ່ງປື້ມຄູ່ມືດັ່ງກ່າວແມ່ນເຄື່ອງມືໜຶ່ງ ທີ່ໃຊ້ໃນການປະເມີນ ແລະ ຊ່ວຍໃຫ້ຊຸມຊົນ ແລະ ອົງການຈັດຕັ້ງກ່ຽວຂ້ອງ ຮັບຮູ້ຂໍ້ມູນ ແລະ ປະສິດທິພາບກ່ຽວກັບການສ້າງວັງສະຫງວນ, ໂດຍສະເພາະແມ່ນການສະເໜີຕົວຊີ້ວັດຕ່າງໆ ໃນການປະຕິບັດວຽກງານຕົວຈິງ, ເພື່ອຊ່ວຍໃຫ້ການຈັດຕັ້ງປະຕິບັດກິດຈະກຳຕ່າງໆ ໃນການສ້າງວັງສະຫງວນມີປະສິດທິຜົນດີຂຶ້ນ, ເຮັດໃຫ້ທຸກພາກສ່ວນມີການຮ່ວມມືກັນຫຼາຍຂຶ້ນ, ໂດຍສະເພາະມແມ່ນ ການຄຸ້ມຄອງວັງສະຫງວນ ໃຫ້ມີປະສິດທິຜົນກວ່າເກົ່າ.

 

ແຫລ່ງຂ່າວ:

ລພນ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...