ສຸກອາພອນ ວົງຈຽງຄຳ ໝາຍເລກ 26 ອະດີີດນັກເຕະແຂ່ງທອງ ທີມ ບູລິລຳ ເອຟຊີ (ໄທລີກ) ເຊິ່ງປັດຈຸບັນເປັນນັກເຕະກອງໜ້າໃນທີມລ້ານຊ້າງ ຢູໄນເຕັດ ຜູ້ທີ່ສ້າງຜົນງານຍິງປະຕູທຳອິດໃຫ້ທີມລ້ານຊ້າງ ຢູໄນເຕັດ ຕີສະເໝີ ທີມ SHB DANANG ໃນນັດການແຂ່ງຂັນ TOYOTA MEKONG CLUB CHAMPIONSHIP 2016 ເມື່ອວັນທີ 5 ພະຈິກທີຜ່ານມາກຽມລາແຂ່ງຈາກສະໜາມໃນນາມນັກເຕະ ແລ້ວຜັນຕົວເອງໄປເປັນໂຄຊ ໃນສະໂມສອນຊື່ດັງ.
ຂໍ້ມນດັ່ງກ່າວນີ້ໄດ້ຖືກເປິດເຜີຍເມື່ອວັນທີ 5 ພະຈິກ 2016 ທີ່ຜ່ານມາຈາກທາງເວັບໄຊ www.goal.com ເປັນເວັບໄຊກິລາຂອງເພື່ອນບ້ານ ວ່າ ສຸອາພອນ ກຽມທີ່ຈະເລີກເຕະບານຢ່າງເປັນທາງການດ້ວຍໄວອາຍຸ 24 ປີ ຫຼັງຈາກຈົບລະດູການແຂ່ງຂັນລາຍການ TOYOTA MEKONG CLUB CHAMPIONSHIP 2016 ນີ້ ເພື່ອຜັນຕົວເອງໄປເປັນໂຄຊໃຫ້ກັບທີມ ເອສຣາ ເອຟຊີ ສະໂມສອນໃນລີກສູງສຸດຂອງລາວ.
ແຕ່ເຖິງຢ່າງໃດກໍ່ຕາມໃນປັດຈຸບັນນີ້ທາງ ສຸອາພອນເອງກໍ່ຍັງບໍ່ໄດ້ອອກມາຢືນຢັນກ່ຽວກັບຂ່າວລືດັ່ງກ່າວ ກັບທາງສະໂມສອນລ້ານຊ້າງ ແລະ ສື່ມວນຊົນໃດໆຂອງລາວເທື່ອ ສະນັ້ນ ແຟນບານກໍ່ຕ້ອງມາລຸ້ນໄປນຳກັນວ່າຂ່າວລືດັ່ງກ່າວນີ້ຈະເປັນຄວາມຈິງ ຫຼື ບໍ່? ແລະ ລາຍການນີ້ຈະເປັນລາຍການສຸດທ້າຍທີ່ສຸອາພອນ ຈະໂຊລີລາແຂ່ງທອງເປັນສະໜາມໃຫ້ແຟນບານໄດ້ເຫັນແທ້ ຫຼື ບໍ່?
ຂໍ້ມູນຈາກ: http://www.goal.com/th/news/4274
ຕິດຕາມຂ່າວເສດຖະກິດລາວ ກົດໄລຄ໌ເລີຍ!