ເມື່ອວັນທີ 6/11/2016 ທີ່ຜ່ານມາ ເກີດເຫດການ ຂົວຫ້ວຍຈໍາປີ ຫຼັກ 36 ປາກຊ່ອງ 8 ບ້ານເຂດເສດຖະກິດ, ເມືອງບາຈຽງ ແຂວງຈໍາປາສັກ ຂົວເຫຼັກເກົ່າຫັກ ໃນຂະນະທີ່ເກີດເຫດປະຊາຊົນໄດ້ບອກວ່າ ມີລົດບັນທຸກໃຫຍ່ຄັນໜຶ່ງບັນທຸກສິ່ງຂອງມາເຕັມລົດ ເມື່ອຂັບເຂົ້າຂົວໃກ້ຈະຫວິດຂົວແລ້ວ ຂົວກໍ່ຊຸດຕົວລົງ ແລະ ຫັກລົງຢ່າງທີ່ເຫັນໃນພາບ ຄາດວ່າລົດບັນທຸກຄັນດັ່ງກ່າວບັນທຸກສິ່ງຂອງໃນນ້ຳໜັກເກີນກຳນົດທີ່ຂົວຈະຮັບໄດ້.
ເຊິ່ງເຫດການຂົວຫັກໃນຄັ້ງນີ້ໄດ້ສ້າງຄວາມລຳບາກໃນການສັນຈອນໄປມາຂອງປະຊາຊົນໃນເຂດນັ້ນເປັນຢ່າງຍິ່ງ ໂດຍສະເພາະແມ່ນນ້ອງໆ ນັກຮຽນທີ່ຈະເດິນທາງໄປໂຮງຮຽນ. ສະນັ້ນ, ຂໍໃຫ້ທຸກຄົນ ໂດຍສະເພາະຄົນທີ່ເຮັດອາຊີບກ່ຽວກັບການຂົນສົ່ງ ຈົ່ງໃສ່ໃຈ ແລະ ມີຄວາມລະມັດລະວັງຕື່ມກວ່ານີ້ ພ້ອມຢ່າຜ່າຝືນຂົນສົ່ງເກີນນ້ຳໜັກທີ່ກຳນົດຢູ່ປ້າຍກ່ອນເຂົ້າຂົວ ເພາະນອກຈາກຈະເປັນອັນຕະລາຍໃນເວລາຂັບລົດແລ້ວ ຍັງສ້າງຄວາມເດືອດຮ້ອນໃຫ້ກຸ່ມຄົນວົງກ້ວາງ ດັ່ງໃນກໍລະນີນີ້.
ຂ່າວຈາກ: ນັກຂ່າວທ້ອງຖິ່ນ ແຂສງຈຳປາສັກ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!