ສຳນັກຂ່າວຕ່າງປະເທດລາຍງານຈາກເມືອງ ຣີໂນ ລັດເນວາດາ ປະເທດສະຫະລັດອາເມລິການ ເມື່ອວັນທີ 5 ພະຈິກ 2016 ທີ່ຜ່ານມາວ່າ ທ່ານ ໂດນັລ ທຣັມ ຕົວແທນພັກຣິພັບບຣິກກັນໃນການລົງສະໝັກເລືອກຕັ້ງຊິງຕຳແໜ່ງປະທານາທິບໍດີຂອງສະຫະລັດ ໄດ້ລົງພື້ນທີ່ຫາສຽງໃນເມືອງ ຣີໂນ ໃນລັດເນວາດາ ເມື່ອວັນເສົາທີ່ຜ່ານມາ ຫຼັງຈາກທີ່ທ່ານ ໂດນັລ ທຣັມ ໄດ້ກ່າວຄຳປາໄສໄປໄດ້ໄລຍະໜຶ່ງ ທຣັມ ເໝືອນຈະສັງເກດພົບເຫັນຄວາມຜິດປົກກະຕິບາງຢ່າງທ່າມກາງຝູງຊົນ ແລະ ເຈົ້າໜ້າທີ່ຮັກສາຄວາມປອດໄພສອງຄົນກໍ່ຟ້າວນຳຕົງຂອງທ່ານ ໂດນັລ ທຣັມ ອອກຈາກເວທີທັນທີ ທ່າມກາງການລາຍງານວ່າມີຜູ້ພົກປືນເຂົ້າມາໃນງານ ແລະ ຕອນນີ້ເຈົ້າໜ້າທີ່ສາມາດຄວບຄຸມຕົວຜູ້ຕ້ອງສົງໃສໄວ້ໄດ້ແລ້ວ ຫຼັງຈາກນັ້ນອີກບໍ່ດົນ ທຣັມກໍ່ກັບຂຶ້ນສູ່ເວທີປາໄສອີກຄັ້ງ ແລະ ເຮັດຄືກັບບໍ່ມີເລື່ອງຫຍັງເກີດຂຶ້ນ ແລະ ຍັງກ່າວອີກວ່າ “ບໍ່ມີສິ່ງໃດຢຸດເຮົາໄດ້”

ຂ່າວຈາກ: ເດລີເມລ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!