ສຳນັກຂ່າວຕ່າງປະເທດລາຍງານຈາກກຸງໂຊລ ປະເທດເກົາຫຼີໃຕ້ ເມື່ອວັນທີ 6 ພະຈິກ 2016 ວ່າສານກຸງໂຊລກາງອະນຸມັດຄຳຮ້ອງຂອງໄອຍະການໃນການອອກໝາຍຈັບສອງຄົນສະໜິດຂອງຜູ້ນຳດເກົາຫຼີ ຢ່າງ ອັນຈອງບອມ ອະດີດທີ່ປຶກສາອາວຸໂສປະຈຳທຳນຽບປະທານາທິບໍດີ ຫຼື ບລູເຮົາສ໌ ແລະ ຍັງເປັນເພື່ອນສະໜິດຂອງປະທານາທິບໍດີ ປ່ຣ໌ ກີນເຮ ຜູ້ນຳປະເທດຄົນປັດຈຸບັນ ໃນຂໍ້ຫາໃຊ້ອຳນາດໂດຍບໍ່ຊອບທຳ ແລະ ພະຍາຍາມຂົ່ມຂູ່ກັນໂຊກເພື່ອປະສົງຕໍ່ຊັບ ຫຼັງພະນັກງານສືບສວນໃຊ້ອຳນາດຕາມກົດໝາຍໃນການຄວບຄຸມຕົວ ທ້າວ ອັນຈອງບອມ ໄວອາຍຸ 57 ປີ ຕັ້ງແຕ່ວັນພຸດທີ່ຜ່ານມາ
ນອກຈາກນີ້ສານຍັງອະນຸມັດອີກສະບັບຕໍ່ທ້າວ ຈອງໂຮຊອງ ອະດີດເລຂາທິການດ້ານກິດຈະການປະທານາທິບໍດີຂອງ ບລູເຮົາສ໌ ໃນຂໍ້ຫາເຜີຍແຜ່ຄວາມລັບຂອງທາງການຕໍ່ນາງຊະເວ ຫຼັງຈາກທີ່ ທ້າວ ອັນ ແລະ ທ້າວ ຈອງ ລາອອກຈາກຕຳແໜ່ງພ້ອມກັນເມື່ອວັນທີ 30 ຕຸລາ ທີ່ຜ່ານມາ
ຄວາມຄືບໜ້າດັ່ງກ່ານໃນການສືບສວນສອບສວນຂອງໄອຍະການມີຂຶ້ນພຽງ 1 ມື້ຫຼັງປະຊາຊົນຫຼາຍກວ່າ 100,000 ຄົນຮວມຕົວກັນຊຸມນຸມປະທ້ວງຄັ້ງໃຫຍ່ເຕັມພື້ນທີ່ໃຈກາງກຸງໂຊລ ເພື່ອຮຽກຮ້ອງໃຫ້ ທ່ານ ນາງ ພັກກຶນຮະເຢ ໄວອາຍຸ 64 ປີ ປະທານາທິບໍດີຂອງເກົາຫຼີໃຕ້ຄົນປັດຈຸບັນລາອອກຈາກຕຳແໜ່ງ ແລະ ເຂົ້າຮັບການສືບສວນສອບສວນຕາມກົດໝາຍຈາກກໍລະນີຕົກເປັນຂ່າວໃນຄັ້ງນີ້
ຂ່າວຈາກ: ເດລີເມລ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!