ທ່ານ ຫລິວ ອີ້ ສວຽນ ເສດຖີນັກສະສົມຂອງເກົ່າຊາວຈີນ ຊະນະການປະມູນ ຖ້ວຍນ້ຳຊາກາໄກ່ ຍຸກລາຊະວົງໝິງ
ອາຍຸ 500 ກ່ວາປີ ໃນລາຄາ 297 ຕື້ກ່ວາກີບ.
ຫຼັງຈາກຕົກເປັນຂ່າວໂດ່ງດັງໄປທົ່ວໂລກ ເມື່ອເດືອນເມສາ 2014 ຜ່ານມາ ກັບການຊະນະການປະມູນ ຖ້ວຍນ້ຳ
ຊາກາໄກ່ຍຸກລາຊະວົງໝິງ ທີ່ບໍລິສັດປະມູນໂຊເທບີ້ ນຳອອກປະມານມື້ວັນທີ 8 ເມສາ 2014 ທີ່ເກາະຮົ່ງກົງ ໂດຍ
ລາຄາໄດ້ສູງເຖິງ 281.24 ລ້ານໂດລາຮົ່ງກົງ ຫຼື ປະມານ 297 ຕື້ກ່ວາກີບ ໂດຍຜູ້ປະມູນຖ້ວຍກາໄກ່ໃບນີ້ ຄືທ່ານ
ຫລິວ ອີ້ ສວຽນ ເຊິ່ງເປັນມະຫາເສດຖີລ່ຳລວຍຕິດອັນດັບ 200 ຂອງວາລະສານຟັອບໃນປີ 2013 ເຊິ່ງມີສິນຊັບ
ມູນຄ່າປະມານ 900 ລ້ານໂດລາສະຫະລັດ, ນອກຈາກນັ້ນ ໂຕເຂົາ ແລະ ພັນລະຍາ ຈັດເປັນນັກສະສົມຂອງເກົ່າ
ໃນລະດັບແຖວໜ້າຂອງຈີນອີກດ້ວຍ.
ລ່າສຸດເມື່ອວັນສຸກ 18 ກໍລະກົດຜ່ານມາ ທ່ານ ຫລິວ ອີ້ ສວຽນ ໄດ້ທຳການຈ່າຍເງິນຄ່າປະມູນຖ້ວຍກາໄກ່ດັ່ງກ່າວ
ຄົບເປັນທີ່ຮຽບຮ້ອຍ ໂດຍລາຍງານຈາກ ພີເພີລ ໄດລີ ອອນລາຍ ໄດ້ລະບຸວ່າ ທ່ານຫຼິວຕ້ອງໄດ້ຮູດບັດເຄຣດິດຂອງ
ເຂົາເຖິງ 24 ຄັ້ງ ເພື່ອຈ່າຍເງິນຈຳນວນ 281 ລ້ານໂດລາຮົ່ງກົງ ເນື່ອງຈາກວົງເງິນບັດເຄຣດິດກຳນົດໄວ້ສູງສຸດທີ່
12 ລ້ານໂດລາຮົງກົງ ຕໍ່ການກົດ 1 ຄັ້ງ.
ຫຼັງຈາກໄດ້ເປັນເຈົ້າຂອງ ຖ້ວຍກາໄກ່ຍຸກລາຊະວົງໝິງ ອາຍຸກ່ວາ 500 ປີ ທີ່ເຊື່ອກັນວ່າຍັງຫຼົງເຫຼືອຢູ່ໃນໂລກນີ້
ພຽງແຕ່ 7 ໃບເທົ່ານັ້ນ, ທ່ານ ຫລິວ ໄດ້ຊົງນ້ຳຊາໃສ່ຖ້ວຍລາຄາເກືອບ 3 ຮ້ອຍຕື້ກີບ ແລ້ວດື່ມໃຫ້ຜູ້ສື່ຂ່າວເບິ່ງ.