ສຳນັກຂ່າວຕ່າງປະເທດ ລາຍງານໃນວັນທີ 3 ພະຈິກຜ່ານມານີ້ວ່າ ທ່ານ ຟລາວິໂອ ດິ ຈິອາໂຄໂມ ໂຄສົກອົງການສາກົນເພື່ອການຍົກຍ້າຍຖິ່ນຖານ ແຫ່ງ ສະຫະປະຊາຊາດ ໄດ້ລະບຸວ່າ ມີຜູ້ອົບພະຍົບຢ່າງໜ້ອຍ 239 ຄົນ ຊຶ່ງເຊື່ອວ່າເດີນທາງອົບພະຍົບມາຈາກ ພາກພື້ນອາຟຣິກາຕາເວັນຕົກ ເສຍຊີວິດລົງຈາກເຫດເຮືອ 2 ລຳຫລົ້ມຢູ່ທະເລເມດິແຕຣານຽນ ນອກຊາຍຝັ່ງປະເທດລີບີ ເມື່ອກາງອາທິດຜ່ານມານີ້ ເພື່ອຕ້ອງການເດີນທາງເຂົ້າສູ່ທະວີບເອີຣົບ.

ອົງການດັ່ງກ່າວຍັງໄດ້ລະບຸອີກວ່າ ຈາກໂສກນາຕະກຳຄັ້ງຫລ້າສຸດນີ້ ໄດ້ສົ່ງຜົນເຮັດໃຫ້ຕົວເລກຜູ້ເສຍຊີວິດ ຈາກເຫດເຮືອຜູ້ອົບພະຍົບຫລົ້ມ ຢູ່ທະເລເມດິແຕຣານຽນ ນັບແຕ່ຕົ້ນປີ 2016 ມານີ້ ສູງຂຶ້ນເຖິງ 4,220 ຄົນແລ້ວ ໃນຂະນະທີ່ຍອດຜູ້ເສຍຊີວິດໝົດປີ 2015 ຜ່ານມາ ແມ່ນຢູ່ທີ່ 3,777 ຄົນ.

ຕິດຕາມເຮົາທາງFacebook ກົດຖືກໃຈເລີຍ!