ປັດຈຸບັນນີ້, ໃນແຕ່ລະຊົ່ວໂມງ ປະຊາຊົນຜູ້ອາໄສຢູ່ສອງຝາກທາງໜອງພະຍາ (ແຕ່ໄຟແດງຕາມມີໄຊ ອອກໄປໃສ່ເສັ້ນທາງ 13 ເໜືອ) ແລະ ຜູ້ທຽວທາງດັ່ງກ່າວ ຕ່າງກໍຕ້ອງໄດ້ທົນທຸກຈາກຂີ້ຝຸ່ນ ປິວໄຫ່ງຢູ່ຕະຫລອດເວລາ, ຍ້ອນການເປ່ເພຊຸດໂຊມຂອງເສັ້ນທາງດັ່ງກ່າວ ແລະ ກໍຫລາຍຄັ້ງແລ້ວ ທີ່ປະຊາຊົນ ແລະ ອຳນາດການປົກຄອງ ໄດ້ນຳສະເໜີໃຫ້ຂະແໜງກ່ຽວຂ້ອງ, ໂດຍ ສະເພາະ ພະແນກໂຍທາທິການ ແລະ ຂົນສົ່ງ ນະຄອນຫລວງວຽງຈັນ ເພື່ອມີວິທີແກ້ໄຂ ແຕ່ກໍມິດຊ້ອຍມ້ອຍປານຫອຍໄຂ່, ປະໃຫ້ປະຊາຊົນ ແລະ ຜູ້ທຽວທາງສາຍນີ້ ຕ້ອງທົນທຸກໄປ ໂດຍບໍຮູ້ວ່າເມື່ອໃດ ຈະຈັດການກໍ່ສ້າງປັບປຸງ, ດັ່ງປະຊາຊົນຄອບຄົວໜຶ່ງ ທີ່ອາໄສຢູ່ແຄມທາງດັ່ງກ່າວ ສະແດງຄວາມໝົດຫວັງອອກມາວ່າ: ປັດຈຸບັນຄອບຄົວ ຈະຕ້ອງໄດ້ປິດປະຕູຢູ່ຕະຫລອດເວລາ, ພາຍຫລັງເສັ້ນທາງສາຍນີ້ເປ່ເພຮ້າຍແຮງລົງ, ຍາມຝົນກໍໄດ້ທົນທຸກກັບຄວາມເປື້ອນເປັນບວກເປັນຕົມ, ຕົກແລ້ງມາກໍແມ່ນຂີ້ຝຸ່ນ, ເຄື່ອງຂອງເປີດອອກມາກໍບໍໄດ້ຂາຍ ຈຳເປັນປິດປະຕູ ແລະ ບໍຮູ້ວ່າຄວາມຫຍຸ້ງຍາກດ່ັງກ່າວ, ດົນປານໃດຈິ່ງຈະໄດ້ຮີບການແກ້ໄຂ, ເຊິ່ງຜ່ານມາ ກໍໄດ້ຍິນຂ່າວຫລາຍບໍລິສັດຍັກໃຫຍ່ ເພິ່ນຈະມາຮັບເໝົາປົວແປງແລ້ວ ໃນທີ່ສຸດກໍມິດຈ້ອຍໄປ, ຢ່າງບໍຮູ້ຕົ້ນ ປາຍສາຍເຫດ.
ແຫລ່ງຂ່າວ:
ຕິດຕາມເຮົາທາງFacebook ກົດຖືກໃຈເລີຍ!