spot_img
Homeຂ່າວພາຍ​ໃນທົ່ວປະເທດ ເກັບກ່ຽວເຂົ້ານາປີ ສຳເລັດແລ້ວເກືອບ 50% ບາງທ້ອງຖິ່ນ ເລີ່ມກະກຽມເຮັດນາແຊງ

ທົ່ວປະເທດ ເກັບກ່ຽວເຂົ້ານາປີ ສຳເລັດແລ້ວເກືອບ 50% ບາງທ້ອງຖິ່ນ ເລີ່ມກະກຽມເຮັດນາແຊງ

Published on

ອີງຕາມການລາຍງານຂອງ ກົມປູກຝັງ, ກະຊວງກະສິກຳ ແລະ ປ່າໄມ້ ໄດ້ໃຫ້ຮູ້ວ່າ ປັດຈຸບັນຊາວກະສິກອນຫຼາຍທ້ອງຖິ່ນໃນທົ່ວປະເທດ ໄດ້ເລີ່ມເກັບກ່ຽວມ້ຽນມັດເຂົ້ານາປີຂອງຕົນ ສຳເລັດແລ້ວຫຼາຍກວ່າ 360 ພັນເຮັກຕາ, ເທົ່າກັບ 47% ຂອງເນື້ອທີ່ປັກດຳທັງໝົດ 770 ພັນເຮັກຕາ, ໃນນັ້ນ ບັນດາແຂວງພາກກາງ ປະຕິບັດໄດ້ຫຼາຍກວ່າ 2 ແສນເຮັກຕາ ເທົ່າກັບ 46%, ພາກໃຕ້ 113 ພັນກວ່າເຮັກຕາ ເທົ່າກັບ 51% ແລະ ພາກເໜືອປະຕິບັດໄດ້ແລ້ວຫຼາຍກວ່າ 45 ພັນເຮັກຕາເທົ່າກັບ 43%, ຊຶ່ງຄາດວ່າຮອດກາງເດືອນທັນວານີ້ ທົ່ວປະເທດຈະສາມາດເກັບກ່ຽວສຳເລັດ 100% ແລະ ຄາດວ່າຜົນຜະລິດ ຈະສາມາດບັນລຸໄດ້ຕາມຄາດໝາຍແຜນການ 3,4 ລ້ານໂຕນ.

ນອກຈາກຂະບວນການເກັບກ່ຽວເຂົ້ານາປີແລ້ວ ປັດຈຸບັນບາງຖິ່ນ ກໍໄດ້ເລີ່ມກະກຽມໃຫ້ແກ່ການປູກເຂົ້ານາແຊງ ແລະ ພືດລະດູແລ້ງຂອງຕົນ ເພື່ອທ່ວງທັນລະດູການ, ຂະນະທີ່ຂະແໜງກະສິກຳ ກໍໄດ້ລົງຊຸກຍູ້ການປົວແປງລະບົບຊົນລະປະທານ ແລະ ຄອງເໝືອງ ທີ່ໄດ້ຮັບຜົນກະທົບຈາກໄພທຳມະຊາດ ເພື່ອກຽມພ້ອມສະໜອງນ້ຳ ໃຫ້ແກ່ການຜະລິດລະດູແລ້ງ 2016 ໃຫ້ໄດ້ຮັບຜົນດີ.

 

ແຫລ່ງຂ່າວ:

ຂປລ

 
ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...