ສຳນັກຂ່າວຣອຍເຕີ ລາຍງານໃນວັນທີ 3 ພະຈິກນີ້ວ່າ ທ່ານ ຊິນໂຊະ ອາເບະ ນາຍົກລັດຖະມົນຕີຍີ່ປຸ່ນ ໄດ້ປະກາດທີ່ນະຄອນຫລວງໂຕກຽວວ່າ ຈະມອບເງິນກູ້ຊ່ວຍເຫລືອ ແລະ ລົງທຶນ ລວມມູນຄ່າ 800 ຕື້ເຢນ ຫລື ປະມານ 7.73 ຕື້ໂດລາ ໃຫ້ແກ່ມຽນມາ ພາຍໃນໄລຍະເວລາ 5 ປີຕໍ່ຈາກນີ້ ເພື່ອສົ່ງເສີມການສ້າງສັນຕິພາບ ແລະ ຄວາມພະຍາຍາມ ໃນການພັດທະນາປະເທດມຽນມາ ຫລັງຈາກທີ່ ທ່ານ ນາງ ອອງຊານຊູຈີ ໄດ້ເດີນທາງຢ້ຽມຢາມປະເທດຍີ່ປຸ່ນ ຢ່າງເປັນທາງການ ເປັນເວລາ 2 ວັນ.

ໃນຈຳນວນການຊ່ວຍເຫລືອຂອງຍີ່່ປຸ່ນຄັ້ງນີ້ ປະມານ 40 ຕື້ເຢນ ຈະຖືກຈັດສັນໄປສົ່ງເສີມຄວາມສຳພັນ ພາຍໃນພື້ນທີ່ອາໄສຂອງຊົນເຜົ່າສ່ວນນ້ອຍໃນມຽນມາ ທີ່ຍັງຄົງມີການປໍລະປັກກັນຢູ່, ສ່ວນຈຳນວນທີ່ຍັງເຫລືອ ຈະຖືກນຳໄປພັດທະນາໃນດ້ານຕ່າງໆເຊັ່ນ: ການກໍ່ສ້າງສະໜາມບິນ ແລະ ລະບົບໄຟຟ້າ ພາຍໃນປະເທດ.

 
/ຕິດຕາມເຮົາທາງFacebook ກົດຖືກໃຈເລີຍ!