ພິທີເປີດນຳໃຊ້ຕະຫລາດທົ່ງຂັນຄຳຊົ່ວຄາວ ຢູ່ເດີນດ້ານໜ້າສູນການຄ້າລາວ - ໄອເຕັກ, ນະຄອນຫລວງວຽງຈັນ,
ໄດ້ມີຂຶ້ນໃນວັນທີ 18 ກໍລະກົດຜ່ານມານີ້, ໂດຍການເຂົ້າຮ່ວມຂອງ ທ່ານ ສາຍທອງ ແກ້ວດວງດີ ຮອງເຈົ້າຄອງນະ
ຄອນຫລວງວຽງຈັນ ແລະ ພ້ອມດ້ວຍຊາວຄ້າຂາຍເຂົ້າຮ່ວມ.
ຕະຫລາດດັ່ງກ່າວ, ມີເນື້ອທີປະມານ 21 ພັນຕາແມັດ, ມີ 432 ຫ້ອງ, ກວ້າງຂະໜາດ 2,5X2,5 ແມັດຕໍ່ຫ້ອງ ແລະ
ສິ່ງອຳນວຍຄວາມສະດວກອື່ນໆ ໂດຍຈະເປີດແຕ່ເວລາ 6:00- 18:00 ໂມງຂອງທຸກວັນ.
ທ່ານ ສົມປະສົງ ສະຫງວນວົງ ຮອງຫົວໜ້າພະແນກອຸດສະຫະກຳ ແລະ ການຄ້າ ນະຄອນຫລວງວຽງຈັນ ກ່າວວ່າ:
ຕະຫລາດຊົ່ວຄາວແຫ່ງນີ້, ສ້າງຂຶ້ນເພື່ອຮອງຮັບຊາວຄ້າຂາຍທີ່ຖືກຜົນກະທົບຈາກເຫດການໄຟໄໝ້ຕະຫລາດທົ່ງ
ຂັນຄຳເມື່ອວັນທີ 26 ມີນາ 2014 ອັນໄດ້ເກີດການສູນເສຍທາງດ້ານຊັບສິນມູນຄ່າມະຫາສານ, ເຮັດໃຫ້ຊາວຄ້າຂາຍ
ຈຳນວນໜຶ່ງບໍ່ມີບ່ອນທຳມາຄ້າຂາຍ, ຂາດເຂີນທຶນຮອນ ຍ້ອນເຫັນເຖິງຄວາມຈຳເປັນຄືດັ່ງກ່າວ ທາງຄະນະນຳນະ
ຄອນຫລວງວຽງຈັນ ຈຶ່ງໄດ້ຕົກລົງມອບໃຫ້ບໍລິສັດລາວເວີນມະຫາຊົນ ຊ່ວຍດ້ານທຶນຮອນເພື່ອປຸກສ້າງຕະຫລາດ
ຊົ່ວຄາວແຫ່ງນີ້. ມາຮອດປັດຈຸບັນ, ຊາວຄ້າຂາຍໄດ້ມາຈັບຈ່ອງຫ້ອງແລ້ວ 198 ຫົວໜ່ວຍ ລວມມີ 312 ຫ້ອງ, ໃນນີ້
ເຂົ້າມາຕົບແຕ່ງຫ້ອງແລ້ວ 127 ຫົວໜ່ວຍ ມີ 206 ຫ້ອງ ແລະ ມາຂາຍແລ້ວ 75 ຫົວ ໜ່ວຍ ມີ 136 ຫ້ອງ.
ສຳລັບຊາວຄ້າຂາຍທີ່ມາຈາກຕະຫລາດທົ່ງຂັນຄຳ ແມ່ນມີນະໂຍບາຍບໍ່ໃຫ້ເສຍຄ່າເຊົ່າສະຖານທີ່, ບໍ່ໄດ້ເສຍຄ່ານ້ຳ
ແລະ ຄ່າໄຟຟ້າ. ໂດຍຕະຫລາດແຫ່ງນີ້, ຈະດຳເນີນກິດຈະການເປັນເວລາ 1 ປີກວ່າ, ພາຍຫລັງໂຄງການກໍ່ສ້າງຕະ
ຫລາດທົ່ງຂັນຄຳສຳເລັດແລ້ວ ກໍຈະຍົກຍ້າຍໄປຂາຍຢູ່ຕະຫລາດດັ່ງກ່າວ.
ແຫຼ່ງຂ່າວ: ໜັງສືພິມລາວພັດທະນາ