ກະຊວງສາທາລະນະສຸກ, ຮ່ວມກັບອົງການອະນາໄມໂລກ ແລະ ອົງການ GIZ ໄດ້ຈັດກອງປະຊຸມປຶກສາຫາລື ກ່ຽວກັບການກະກຽມສ້າງຕັ້ງ ສະພາຄຸ້ມຄອງວິຊາຊີບປິ່ນປົວ ແລະ ກຳມະການປິ່ນປົວ, ວິຊາການແພດ, ທັນຕະແພດ ແລະ ພະຍາບານຜະດຸງຄັນ ຂອງ ສປປ ລາວ ຂຶ້ນ ໃນວັນທີ 2 ພະຈິກນີ້, ທີ່ນະຄອນຫຼວງວຽງຈັນ, ໂດຍການເປັນປະທານຮ່ວມຂອງ ທ່ານ ບຸນກອງ ສີຫາວົງ ລັດຖະ ມົນຕີກະຊວງສາທາລະນະສຸກ, ທ່ານ ນາງ ຈູລຽດ ໄຟລໂຊຄ໌ ຜູ້ຕາງໜ້າອົງການອະນາໄມໂລກປະຈຳລາວ, ທ່ານ Ernst Hustadt ຜູ້ຕາງໜ້າອົງການ GIZ  ປະຈຳລາວ, ຜູ້ຕາງໜ້າອົງການຈັດຕັ້ງສາກົນ ແລະ ຄູ່ຮ່ວມພັດທະນາ, ເຂົ້າຮ່ວມເປັນຈຳນວນຫຼາຍ.

ທ່ານລັດຖະມົນຕີ ກະຊວງສາທາລະນະສຸກ ກ່າວໃນທີ່ປະຊຸມວ່າ: ກອງປະຊຸມຄັ້ງນີ້ ມີຄຄວາມສຳຄັນຫຼາຍ ເພື່ອຈະຊ່ວຍໃຫ້ວຽກງານສາທາລະນະສຸກ ກ້າວໄປສູ່ຄຸນພະພາບ ແລະ ເປັນລະບົບ, ໂດຍການຈັດຕັ້ງປະຕິບັດລະບຽບກົດໝາຍ ແລະ ການຊີ້ທາງໃຫ້ພະນັກງານແພດໝໍ ຂອງຂະແໜງສາທາລະນະສຸກ ໃຫ້ມີຄຸນນະພາບຫຼາຍຂຶ້ນ, ເຊັ່ນດຽວກັບຂົງເຂດພາກພື້ນ ແລະ ສາກົນທີ່ຕ້ອງການໃຫ້ມີການຄຸ້ມຄອງ ທາງດ້ານການບໍລິການສຸຂະພາບ, ຊຶ່ງຖືເປັນພັນທະໜຶ່ງ ທີ່ປະເທດເຮົາຈະຕ້ອງໄດ້ຈັດຕັ້ງປະຕິບັດ, ໂດຍສະເພາະແມ່ນ, ການຄຸ້ມຄອງວິຊາຊີບ, ວິຊາສະເພາະການແພດ, ທັນຕະແພດ ແລະ ພະຍາບານຜະດຸງຄັນ.

ທ່ນ ລັດຖະມົນຕີກ່າວວ່າ: ສຳລັບການຄຸ້ມຄອງການປະຕິບັດວຽກງານຂອງແພດໝໍ ໃນໄລຍະຜ່ານມາເຖິງວ່າຈະມີກົດໝາຍການປິ່ນປົວ, ກົດໝາຍອາຫານ ແລະ ຢາ, ກົດໝາຍອະນາໄມກັນພະຍາດ ແຕ່ວ່າການຈັດຕັ້ງປຕິບັດວຽກງານຕົວຈິງ ຍັງບໍ່ທັນດີເທົ່າທີ່ຄວນ, ດັ່ງນັ້ນ ຖ້າຫາກວ່າພວກເຮົາມີສະພາຄຸ້ມຄອງວິຊາຊີບເກີດຂຶ້ນ, ຈະເຮັດໃຫ້ການຈັດຕັ້ງປະຕິບັດວຽກງານຂອງຂະແໜງສາທາລະນະສຸກເປັນລະບົບດີ ແລະ ກວ້າງຂວາງ.

ແຫລ່ງຂ່າວ:

ຕິດຕາມເຮົາທາງFacebook ກົດຖືກໃຈເລີຍ!