ແມ່ຍິງສ່ວນຫຼາຍ ເວລາໃກ້ຈະເປັນປະຈຳເດືອນ ຫຼືຊ່ວງເປັນປະຈຳເດືອນ ມັກຈະເກີດສິວຢູ່ເທິງໃບໜ້າຢູ່ສະເໝີ, ເຊິ່ງສາເຫດຂອງການເກີດສິວນີ້ ກໍມີຫຼາຍສາເຫດທີ່ແຕກຕ່າງກັນ, ມື້ນີ້ເຮົາຈະມາຮູ້ຈັກວິທີປ້ອງກັນການເກີດສິວ ໃນຊ່ວງເປັນປະຈຳເດືອນ ເພື່ອເຮັດໃຫ້ຜິວໜ້າກ້ຽງ ບໍ່ເປັນສິວອີກຕໍ່ໄປ
- ທາຄີມບຳລຸງຜິວຫຼຸດລົງ ກ່ອນປະຈຳເດືອນມາ: ຄວນເລືອກໃຊ້ຈັກຢ່າງສອງຢ່າງກໍພຽງພໍ, ຄວນລ້າງໜ້າໃຫ້ສະອາດ ປ້ອງກັນການອຸດຕັນຂອງຮູຂຸມຂົນ ແລະເຮັດໃຫ້ເກີດສິວໄດ້
- ເບິ່ງແຍງການກິນ: ອາຫານບາງຢ່າງກໍຈະໄປກະຕຸ້ນການເກີດສິວໄດ້, ບໍ່ກິນອາຫານເຄັມຫຼາຍ, ເຜັດຫຼາຍ ຫຼືຫວານຫຼາຍ ເພາະຈະເຮັດໃຫ້ເກີດສິວຂຶ້ນໄດ້ງ່າຍໃນເວລາເປັນປະຈຳເດືອນ ແລະມາກິນອາຫານເພື່ອສຸຂະພາບເຊັ່ນ: ຜັກ, ຖົ່ວ ແລະປາ ຈະດີທີ່ສຸດ
- ລ້າງໜ້າໃຫ້ສະອາດກ່ອນນອນ: ຜິວໜ້າຕ້ອງສະອາດ ບໍ່ມີເຄື່ອງສຳອາງຕົກຄ້າງ, ເພື່ອເຮັດໃຫ້ບໍ່ເກີດສິວເທິງໃບໜ້າໄດ້ງ່າຍ
- ເລືອກຄີມບຳລຸງຜິວກ່ອນນອນທີຊຶມຊັບດີທີ່ສຸດ: ເຮົາຄວນເລືອກເຄື່ອງສຳອາງທີ່ຊຶບຊັບຜິວ, ຊຶມເຂົ້າຜິວໄດ້ດີ, ເພາະຖ້າຫາກເຄື່ອງສຳອາງທີ່ບໍ່ຊຶມເຂົ້າຜິວໄວ ຈະເຮັດໃຫ້ເກີດສິວໄດ້ງ່າຍຊ່ວງເປັນປະຈຳເດືອນ
- ບ່ອນນອນຕ້ອງສະອາດ: ຖ້າຫາກບ່ອນນອນບໍ່ສະອາດຈະເຮັດໃຫ້ເກີດສິວໄດ້ງ່າຍ ດັ່ງນັ້ນເຮົາຄວນຊັກໃຫ້ສະອາດ ແລະຕາກໃຫ້ແຫ້ງຢູ່ສະເໝີ
- ສະຜົມໃຫ້ສະອາດຢູ່ສະເໝີ: ເພາະຖ້າຜົມບໍ່ສະອາດກໍເປັນສາເຫດໜຶ່ງຂອງການເກີດສິວ ເພາະຜົມທີ່ບໍ່ສະອາດນັ້ນມັກຖືກໜ້າຕະຫຼອດ ຈຶ່ງຄວນສະໃຫ້ສະອາດຢູ່ສະເໝີ
ຕິດຕາມນານາສາລະ ກົດໄລຄ໌ເລີຍ!