ການປະກອບຄຳຄິດຄຳເຫັນຂອງບັນດາສະມາຊິກສະພາແຫ່ງຊາດແຕ່ລະເຂດເລືອກຕັ້ງຕໍ່ ບົດລາຍງານຂອງອົງການ ໄອຍະການປະຊາຊົນ ແລະ ອົງການຕຸລາການ ແມ່ນຍັງມີຫຼາຍບັນຫາທີ່ຍັງຄ້າງຄາ ແລະ ຕ້ອງໄດ້ປັບປຸງແກ້ໄຂເຊັ່ນ: ຕ້ອງກວດກາຄືນລະຫວ່າງຕົວເລກຜົນສຳເລັດໃນບົດສະຫຼຸບກັບການປະຕິບັດວຽກງານຕົວ ຈິງໃຫ້ສອດຄ່ອງກັນ, ເອົາໃຈໃສ່ປັບປຸງດ້ານສະຖານທີ່ເຮັດວຽກໃຫ້ມີຄວາມ ເໝາະສົມ ເພາະບາງເມືອງເຂດຫ່າງໄກຍັງ ບໍ່ທັນມີສານເຂດເພື່ອແກ້ໄຂຄະດີ, ແກ້ໄຂບັນຫາອຸປະກອນຮັບໃຊ້ວຽກງານໃຫ້ທັນສະໄໝ ແລະ ປັບປຸງດ້ານບຸກຄະລາ ກອນໃຫ້ມີຄວາມຮູ້ຄວາມສາມາດ.
ບັນຫາທີ່ຜູ້ແທນທຸກເຂດເນັ້ນໜັກແມ່ນບັນຫາການຕັດສິນຄະດີຕ່າງໆ ແມ່ນຍັງ ມີການແຊກແຊງຈາກທາງນອກ, ການປະຕິບັດວຽກງານຂອງເຈົ້າໜ້າທີ່ສືບສວນ – ສອບສວນ ຍັງບໍ່ທັນສອດຄ່ອງ, ຍັງ ບໍ່ທັນມີຄວາມໂປ່ງໃສ ວຽກງານການຈັດຕັ້ງຄຳຕັດສິນຂອງສານໃນເຂດທ້ອງຖິ່ນຍັງຊັກຊ້າ ແລະ ຄ້າງຄາຫຼາຍ ຢາກ ໃຫ້ກວດກາຄືນຫາສາເຫດດັ່ງກ່າວເພື່ອປັບປຸງແກ້ໄຂ, ການແກ້ໄຂຄະດີຕ່າງໆຍັງເນັ້ນໃສ່ຄະດີທີ່ມີເງິນຈ້າງຈຶ່ງຕັດສິນໄວ ເຊິ່ງເປັນເຫດໃຫ້ມີສຽງວິພາກວິຈານຈາກສັງຄົມຢ່າງຫຼວງຫຼາຍ.
ທີ່ມາ: ສຳນັກຂ່າວເອບີຊີລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!