ຈາກການເປີດເຜີຍ ໃນ Fanpage ຂອງສະຫະພັນ ຢູໂດແຫ່ງຊາດລາວ ໃນຕອນບ່າຍຂອງມື້ນີ້ວ່າ, ໃນການແຂ່ງຂັນລາຍການ the 2016 Vietnam International Judo Championships ທີ່ ສສ ຫວຽດນາມ ໃນລະຫວ່າງວັນທີ 29 – 30 ຕຸລາ 2016 ທີ່ຜ່ານມານີ້ ສະຫະພັນຢູ່ໂດແຫ່ງຊາດລາວ ໄດ້ສົ່ງ ນັກກິລາຈຳນວນ 7ຄົນ ແລະ ຄະນະນຳຄູຝຶກ ຈຳນວນ 3 ຄົນ ເຂົ້າຮ່ວມໃນລາຍການນີ້ມີທັງຫມົດ 17 ທີມ ຈາກ 12 ປະເທດ ເຂົ້າຮ່ວມ ຜົນການແຂ່ງຂັນປາກົດວ່າ ທີມຊາດລາວສາມາດຄວ້າມາໄດ້ 2 ຫລຽນເງິນ ແລະ 1 ຫລຽນທອງ
# ເຊິ່ງຫລຽນເງິນ ໄດ້ມາຈາກ
– ທ້າວ ຈິນດາວອນ ສີວັນວິໄລ (ສະໂມສອນຢູໂດ ກອງທັບ) ແລະ ທ້າວ ກັນຍາເພັດ ພັນດານຸວົງ (ສະໂມສອນ ຢູໂດ ໂຮງຮຽນພອນສະຫວັນກິລາ-ກາຍຍະກຳ) ໃນປະເພດຟ້ອນກາຕະຊາຍ ຫລື ນາເງໂນກາຕະ
– ນາງ ສົມສຸດາລັດ ແຫວນວັນຄຳ (ສະຫະພັນຢູໂດແຫ່ງຊາດ) ໃນຮຸ່ນ – 63ກກ
# ຫລຽນທອງໄດ້ມາຈາກ
– ນາງ ຄອນມາ ຈັນທະກຸມມານ (ສະໂມສອນ ຢູໂດ ແຂວງສະຫວັນນະເຂດ) ໃນຮຸ່ນ – 78ກກ

ຕິດຕາມຂ່າວເສດຖະກິດລາວ ກົດໄລຄ໌ເລີຍ!