spot_img
Homeຂ່າວພາຍ​ໃນປິດ​ການ​ແຂ່ງຂັ​ນ ກິລາ​ເປ​ຕັງ ທົ່ວ​ປະ​ເທດ ຄັ້ງ​ທີ VII ຢ່າງເປັນທາງການ

ປິດ​ການ​ແຂ່ງຂັ​ນ ກິລາ​ເປ​ຕັງ ທົ່ວ​ປະ​ເທດ ຄັ້ງ​ທີ VII ຢ່າງເປັນທາງການ

Published on

ການແຂ່ງຂັນກິລາເປຕັງທົ່ວ ປະເທດຄັ້ງທີ VII ຊີງຂັນປະທານສະພາແຫ່ງຊາດ ໄດ້ປິດລົງ ໃນວັນທີ 29 ຕຸລາ ທີ່ສະໜາມກິລາ ເປຕັງແຫ່ງຊາດ (ດົງໂດກພາຍຫລັງທີ່ໄດ້ດໍາເນີນເປັນເວລາ 3 ວັນ ໂດຍມີ ທ່ານ ຄໍາສິງ ໄຊສົມແພງ ຮອງຫົວໜ້າຄະນະຮັບຜິດຊອບວຽກງານເຂດເລືອກຕັ້ງ ສະພາແຫ່ງຊາດ ຜູ້ຕາງໜ້າປະທານສະພາແຫ່ງຊາດ, ທ່ານ ສົມພູ ພົງສາ ຜູ້ຊ່ວຍລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ຄໍາຫລ້າ  ວິນໄລທອງ ປະທານສະຫະພັນເປຕັງແຫ່ງຊາດລາວ ແລະ ມີຜູ້ຕາງໜ້າ ບໍລິສັດເບຍລາວ ພ້ອມດ້ວຍນັກກິລາ ແລະ ມີນັກກິລາເຂົ້າຮ່ວມຮ່ວມ ຈໍານວນ 300 ຄົນ ມາຈາກ 14 ແຂວງ ແລະ 6 ກະຊວງ.

ຜ່ານການແຂ່ງຂັນ 5 ປະເພດ ຊີງໄຊກັນປະກົດວ່າ: ເປຕັງປະເພດ ດ່ຽວຍິງ ອັນດັບທີ 1 ທີມກະຊວງປ້ອງກັນຄວາມສະຫງົບ ໄດ້ຮັບຂັນລາງວັນ ພ້ອມຫລຽນຄໍາ ແລະ ເງິນສົດ 1 ລ້ານກີບ, ອັນດັບທີ 2 ແຂວງຈໍາປາສັກ ໄດ້ຮັບຫລຽນເງິນ ພ້ອມເງິນສົດ 6 ແສນກີບ ອັນດັບທີນະຄອນຫລວງວຽງຈັນ ໄດ້ຮັບຫລຽນທອງ ພ້ອມເງິນສົດ 4 ແສນກີບ; ເປຕັງປະເພດດ່ຽວຊາຍ ອັນດັບທີ 1 ທີມໂຍທາທິການ ແລະ ຂົນສົ່ງ ໄດ້ຮັບຂັນລາງວັນ ພ້ອມຫລຽນຄໍາ ແລະ ເງິນສົດ 1 ລ້ານກີບ ອັນດັບທີ ແຂວງວຽງຈັນ ໄດ້ຮັບຫລຽນເງິນພ້ອມເງິນສົດ 6 ແສນກີບ, ອັນດັັບທີ 3 ທີມກະຊວງປ້ອງກັນຄວາມສະຫົງບ ໄດ້ຮັບຫລຽນທອງພ້ອມເງິນສົດ 4 ແສນກີບ ເປຕັງປະເພດທີມຄູ່ຍິງ ອັນດັບທີ 1 ແຂວງຈໍາປາສັກ ໄດ້ຮັບຂັນລາງວັນ ພ້ອມດ້ວຍຫລຽນຄໍາ ແລະ ເງິນສົດ 3 ລ້ານກີບ, ອັນດັບທີ 2 ກະຊວງປ້ອງກັນຄວາມສະຫງົບ ໄດ້ຮັບຫລຽນເງິນພ້ອມເງິນສົດ ໜຶ່ງລ້ານຫ້າແສນກີບ, ອັນດັບທີ 3 ກະຊວງພາຍໃນ ໄດ້ຮັບຫລຽນທອງ ພ້ອມເງິນສົດ 7 ແສນກີບ; ເປຕັງປະເພດທີມຄູ່ຊາຍ ອັນດັບ ທີ ແຂວງຄໍາມ່ວນ ໄດ້ຮັບຂັນລາງວັນ ພ້ອມຫລຽນຄໍາ ແລະ ເງິນສົດ 5 ລ້ານກີບ, ອັນດັບທີ 2 ສະໂມສອນ ນໍ້າດື່ມໂອລານ ໄດ້ຮັບຫລຽນເງິນ ພ້ອມເງິນສົດສອງລ້ານຫ້າແສນກີບ, ອັນດັບທີ 3 ສະໂມສອນເປຕັງດອກຝ້າຍ ໄດ້ຮັບຫລຽນທອງ ພ້ອມເງິນສົດໜຶ່ງລ້ານຫ້າແສນກີບເປຕັງປະເພດທີມຄູ່ ວີໄອພີ ອັນດັບທີ 1 ໂຮງງານນໍ້າດື່ມລືຊາໄຊ ໄດ້ຮັບຂັນພ້ອມເງິນສົດ ຂັນລາງວັນ 1 ໜ່ວຍ ພ້ອມຫລຽນຄໍາ ແລະ ເງິນສົດ 1 ລ້ານກີບ, ອັນດັບທີ 2 ແຂວງສະຫວັນນະເຂດ ໄດ້ຮັບຫລຽນເງິນພ້ອມ ເງິນສົດ 6 ແສນກີບ, ອັນດັບ 3 ສະໂມສອນເປຕັງຕາດຖໍ້າເສືອ ໄດ້ຮັບຫລຽນເງິນ ພ້ອມເງິນສົດ 6 ແສນກີບ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...