ນັກສຶກສາມະຫາວິທະຍາໄລໃນຈີນສາມາດຄົ້ນຄວ້າເຈ້ຍກິນໄດ້ເຊິ່ງເຮັດມາຈາກຜັກ ໄດ້ຮັບລາງວັນອັນດັບ 2 ໃນການປະກວດນະວັດຕະກຳຜູ້ປະກອບການແຫ່ງຊາດຄັ້ງທີ 3.
ນັກສຶກສາ 6 ຄົນຈາກມະຫາວິທະຍາໄລຊີໜານ ມົນທົນຊົງຊຶງ ທາງພາກຕາເວັນຕົກສ່ຽງໃຕ້ຂອງຈີນ ຄົ້ນຄວ້ານະວັດຕະກຳໃໝ່ເປັນເຈ້ຍກິນໄດ້ທີ່ເຮັດຈາກຜັກຫຼາຍຫຼາຍຊະນິດເຊັ່ນ: ໝາກເລັ່ນ, ຫົວກາຣົດ, ບຣອກໂຄຣີ, ກະລໍ່າສີມ່ວງ ສ່ວນເຈ້ຍທີ່ໄດ້ອອກມາແມ່ນຈະມີສີທີ່ຄືກັບສີຂອງຜັກ.
ນາງ ສ່ຽວ ຊິງໝິງ ໜຶ່ງໃນນັກສຶກສາ 6 ຄົນກ່າວວ່າ: ເຈ້ຍທຸກໃບມີຣົດຊາດທີ່ແຕກຕ່າງກັນໄປຕາມວັດຖຸດິບ ແລະ ພວກເຂົາຕ້ອງການໃຫ້ຜະລິດຕະພັນຮັກສາຣົດຊາດເກົ່າຂອງຜັກໄວ້ຄືເກົ່າ ຖ້າເຈ້ຍທີ່ເຮັດຈາກໝາກເລັ່ນ ກໍຕ້ອງມີຣົດຊາດໝາກເລັ່ນເປັນຕົ້ນ.
ນອກຈາກນີ້, ນາງ ລີ່ເວຍໂຈ ນັກສຶກສາອີກຄົນໜຶ່ງຍັງບອກວ່າ: ທາງກຸ່ມເຂົາເຈົ້າກຳລັງຄົ້ນຄວ້າຫາວິທີເຮັດໃຫ້ເຈ້ຍຈາກຜັກເພື່ອໃຊ້ແທນປີ້ໂຮງຮູບເງົາ, ປີ້ລົດໂດຍສານສາທາລະນະ ແລະ ໃຫ້ສາມາດ “ພິມບາໂຄດ” ລົງໃນເຈ້ຍໄດ້ ເຊິ່ງພາຍຫຼັງຈາກໃຊ້ງານແລ້ວຍັງສາມາດກິນໄດ້ ເຊິ່ງມັນຈະຊ່ວຍຫຼຸດຜ່ອນບັນຫາຂີ້ເຫຍື້ອ ແລະ ປະຢັດຊັບພະຍາກອນທາງທຳມະຊາດອີກດ້ວຍ.
ຂ່າວຈາກ: targetlaos.com/
ຕິດຕາມນານາສາລະ ກົດໄລຄ໌ເລີຍ!