ວັນທີ 29 ຕຸລາ ປີ 1993 ຫຼືມື້ນີ້ເມື່ອ 23 ປີທີ່ແລ້ວ ເປັນມື້ວາງຈຳໜ່າຍຈອງເກມ Akumajou Dracula X Chi no Rondo ຫຼື Castlevania Rondo of Blood ເກມລຳດັບທີ 10 ຂອງຊີຣີ Castlevani ທີ່ລົງເທິງເຄື່ອງ PC-Engine ອັນເປັນພາກທຳອິດຂອງທີມງານທີ່ຈະປະຕິວັດຊີຣີນີ້ໄປຕະຫຼອດການໃນພາກຕໍ່ໄປ ພາກນີ້ຈຶ່ງຖືເປັນການປ່ຽນແປງແນວທາງຂອງຊີຣີນັບຕັ້ງແຕ່ປີ 1986.
ທາງດ້ານໂຕເກມຍັງຄົງເປັນແນວ Action 2D ແບບພາກກ່ອນໆ, ໂດຍໂຕເອກຂອງພາກນີ້ຄື: Richter Belmont ຜູ້ເປັນຫຼານຂອງ Simon Belmont ທີ່ຕ້ອງບຸກເຂົ້າໄປປະສາດ Dracula ເຊິ່ງຖືກຄືນຊີບໂດຍບາດຫຼວງຜູ້ຊົ່ວຮ້າຍ Shaft ແລະຍັງໄດ້ລັກພາໂຕຜູ້ຍິງ 4 ຄົນໃນເມືອງໄປ ເຊິ່ງ 1 ໃນນັ້ນກໍຄື: Annette ຄົນຮັກຂອງ Richter ໄປບູຊາຍັນເພື່ອຄືນຊີບພະລັງແບບສູງສຸດ. ດ້ານກຣາບຟິກຂອງໂຕເກມມີການປັບໃຫ້ສວຍງາມຂຶ້ນ ແລະທັນສະໄໝສົມກັບເປັນເຄື່ອງເກມ 16 Bit ແຕ່ສິ່ງທີ່ພັດທະນາເປັນຄັ້ງທຳອິດໃນຊີຣີ ຄືການໃສ່ສຽງພາກໃນໂຕລະຄອນ ແລະສາກ Cutscene ເປັນອະນິເມະແບບງ່າຍໆລົງໄປ ເພາະວ່າ PC-Engine ໃຊ້ CD ເປັນສື່ຫຼັກຂອງເຄື່ອງ ເຊິ່ງມີຄວາມຈຸຫຼາຍກວ່າກະແຊັດເກມຫຼາຍເທົ່າ ຈຶ່ງສາມາດໃສ່ສຽງພາກ ແລະ Cutscene ລົງໄປໃນເກມໄດ້ແບບສະບາຍໆ.
ສິ່ງທີ່ຖືເປັນຄວາມສຸດຍອດຂອງຊີຣີຄື: ການທີ່ 1 ສາກໃນເກມມີຫຼາກຫຼາຍເສັ້ນທາງໃຫ້ຜູ້ຫຼິ້ນເລືອກຈະໄປ ເຊິ່ງເປັນການພັດທະນາຈຸດເດັ່ນຂອງພາກ 3 ໃຫ້ມີຄວາມເລິກຫຼາຍຂຶ້ນ, ໂດຍເສັ້ນທາງທີ່ເຮົາໄປນີ້ຈະບໍ່ແມ່ນເສັ້ນທາງຊື່ແບບພາກກ່ອນໆ (ຍົກເວັ້ນພາກ 3) ເຊັ່ນ: ການຕີທາງລັບແລ້ວມີທາງຍາງ ຫຼືຕົກເຫວເພື່ອລົງໄປໃຕ້ດິນ ໂດຍເສັ້ນທາງເຫຼົ່ານີ້ຈະພາໄປສູ່ສາກທີ່ແຕກຕ່າງໄປຈາກເກົ່າ ລວມເຖິງຈະສົ່ງຜົນກະທົບຕໍ່ການຊ່ອຍເຫຼືອ 1 ໃນສາວທີ່ຖືກລັກພາໂຕມາໃນເກມອັນເປັນສ່ວນສຳຄັນຂອງສາກຈົບ ແລະໃນ 1 ສາກຂອງເກມມີຄວາມລັບຫຼາກຫຼາຍທີ່ຜູ້ຫຼິ້ນຈະຕ້ອງຄົ້ນຫາ ເຮັດໃຫ້ຫຼິ້ນ 1 ສາກອາດຈະຍາວເຖິງ 20-30 ນາທີ ຈາກປົກກະຕິຊີຣີໃຫ້ຫຼິ້ນ 1 ສາກພຽງ 5-6 ນາທີເທົ່ານັ້ນ (ເພາະມີການຈັບເວລານຳ). ນອກຈາກນີ້ໂຕຂອງ Richter Belmont ກໍບໍ່ໄດ້ມີຄວາມສາມາດພຽງການໃຊ້ແສ້, ຍ່າງ, ໂດດ, ດຶກອາວຸດສຳຮອງເທົ່ານັ້ນ ເພາະມີລະບົບ Item Crush ທີ່ເອີ້ນພະລັງຂັ້ນສຸດຍອດຈາກອາວຸດສຳຮອງ ເກີດເປັນທ່າໄມ້ຕາຍທີ່ມີຄວາມຮຸນແຮງສູງ ເຊິ່ງກໍຕ້ອງແລກມາດ້ວຍການໃຊ້ຫົວໃຈທີ່ຫຼາຍກວ່າປົກກະຕິ ລວມເຖິງສາມາດໂດດຕີລັງກາກັບຫຼັງເພື່ອຫຼົບການໂຈມຕີຂອງສັດຕູໄດ້.
ອີກ 1 ຄວາມພິເສດຄື: ໂຕລະຄອນລັບແບບ Maria Renard ເດັກສາວຜູ້ມີພະລັງພິເສດໃນການເອີ້ນຂ້າຮັບໃຊ້ເຊັ່ນ: ມັງກອນຟ້າ, ຫົງແດງ, ເຕົ່າຄະນອງ, ພະຍັກຂາວ ມາຊ່ອຍສູ້ເຊິ່ງຈະເປັນໂຕລະຄອນລັບທີ່ເຮົາສາມາດປົດລ໋ອກມາໃຊ້ໄດ້ ຫາກເຮົາເຮັດເງື່ອນໄຂຊ່ອຍນາງໄດ້, ເຊິ່ງຄວາມສາມາດນອກຈາກເອີ້ນສັດອະສູນມາແທນອາວຸດສຳຮອງ ນາງຍັງສາມາດສະໄລ້, ໂດດ 2 ຈັງຫວະ ໄດ້ອີກນຳ ເວົ້າໄດ້ວ່າຄົນນິຍົມຫຼິ້ນນາງຫຼາຍກວ່າພະເອກຊ້ຳ.
ສຳລັບຄວາມຍາກຂອງເກມກໍຢູ່ໃນລະດັບທີ່ບໍ່ຍາກຈົນເກີນໄປຄືພາກເກົ່າໆ ດ້ວຍຄວາມສາມາດຂອງໂຕລະຄອນຫາກໃຊ້ເທັກນິກໃນການຫຼິ້ນດີໆ ກໍສາມາດຜ່ານແຕ່ລະສາກໄດ້ບໍ່ຍາກຈົນເກີນໄປ ລວມເຖິງການມີຫຼາກຫຼາຍເສັ້ນທາງໃຫ້ເລືອກຫຼິ້ນໃນເກມ ເຮັດໃຫ້ສາມາດຈັບເກມມາຫຼິ້ນຫຼາຍຮອບເພື່ອເຄລຍທຸກຢ່າງໃຫ້ຄົບ 100℅ ໄດ້ອີກ.
Akumajou Dracula X Chi no Rondo ໄດ້ຮັບສຽງຕອບຮັບຢ່າງດີຈາກແຟນໆຂອງຊີຣີ ໂດຍຍົກໃຫ້ເປັນພາກທີ່ເປັນ Castlevania ແບບ Classic ທີ່ດີທີ່ສຸດ, ແຕ່ວ່າແຟນເກມຊາວຕາເວັນຕົກໃນຕອນນັ້ນຫາກຈະຫຼິ້ນພາກນີ້ມີພຽງແຕ່ການຊື້ເຄື່ອງ PC-Engine ແລະເກມຈາກປະເທດຍີ່ປຸ່ນເທົ່ານັ້ນ (ບໍ່ຊັ້ນກະຫຼິ້ນຜ່ານ Emulator ແບບຜິດກົດໝາຍ) ເພາະວ່າເກມພາກນີ້ບໍ່ມີວາງຈຳໜ່າຍນອກຈາກຍີ່ປຸ່ນ, ນັ້ນເຮັດໃຫ້ຄົນຕາເວັນຕົກບໍ່ມີໂອກາດໄດ້ສຳຜັດເກມພາກນີ້ຫຼາຍ ເຖິງວ່າ Konami ຈະມີການ Remake ອອກມາເປັນ Castlevania Dracula X (ຊື່ຍີ່ປຸ່ນ Akumajou Dracula XX ) ລົງເທິງເຄື່ອງ Super NES (Super Famicom) ແຕ່ວ່າຄຸນນະພາບແລະຄວາມມ່ວນຫ່າງຊັ້ນຈາກພາກຕົ້ນສະບັບຫຼາຍ, ໂດຍຊາວຕາເວັນຕົກຕ້ອງຖ້າກັນເຖິງ 14 ປີເລີຍ ຈົນມາຮອດປີ 2007 ໄດ້ມີການ Remake ອີກຄັ້ງໃນຊື່ Castlevania Dracula X Chronicle ເຊິ່ງໄດ້ມີການບັນຈຸເກມພາກ Akumajou Dracula X Chi no Rondo ແບບຕົ້ນສະບັບແລະແປງເປັນພາສາອັງກິດໝົດເກມລວມເຖິງຊື່ວ່າ: Castlevania Rondo of Blood
Fact ເລັກນ້ອຍກ່ຽວກັບເກມ Castlevania Rondo of Blood
- ຫາກເຮົາເປີດເກມໂດຍບໍ່ໄດ້ສຽບກາຣ໌ດໃນເຄື່ອງ ເຮົາຈະໄດ້ຫຼິ້ນເກມ Akumajou Dracula Peke ເຊິ່ງໂຕລະຄອນໃນເກມຈະປ່ຽນເປັນໂຕມົນໆໜ້າຮັກຕີສັດຕູ ກ່ອນຈະຈົບເກມໂດຍຂຶ້ນຂໍ້ຄວາມ “ຄັນຈະຫຼິ້ນກະສຽບກາຣ໌ດທະແມະ” (…) ^^
- ເກມພາກນີ້ຖືເປັນພາກເດບິວທີມງານໃນພາກ Symphony of the Night, ຜູ້ກຳກັບ Toru Hagihara ກໍກຳກັບພາກນີ້ເປັນພາກທຳອິດ ແຕ່ຊື່ໜຶ່ງທີ່ແຟນໆ Castlevania ຕ້ອງອໍທັນທີກໍຄື Kouji Igarashi ຫຼື IGA ນັ້ນເອງ ແຕ່ວ່າໃນພາກນີ້ລາວເປັນພຽງ Special Thank ເທົ່ານັ້ນ.
- ຫາກໃສ່ຊື່ໃນເກມວ່າ X-X!V”Q ເຮົາຈະສາມາດເລືອກສາກໃນເກມໄດ້ທັນທີ
- ຫາກຫຼິ້ນ Maria ແລ້ວກົດ ລົງ, ຂຶ້ນ, ລົງ+ໜ້າ, ໂຈມຕີ ຈະເປັນທ່າພິເສດຂອງ Maria ທີ່ມີຄວາມຮຸນແຮງຫຼາຍ
- ຫາກເຮົາບໍ່ມີອາວຸດສຳຮອງແລ້ວໃຊ້ Item Crush ຈະປ່ຽນເປັນທ່າແສ້ໄຟທັນທີ
- ໃນດ່ານທີ 5 ເຮືອຮ້າງ ເຮົາສາມາດໃຊ້ Maria ເຂົ້າຫ້ອງລັບເຊິ່ງເປັນຫ້ອງເຄື່ອງຂອງເຮືອໄດ້ ແຕ່ບໍ່ມີຫຍັງໃນຫ້ອງ
- ຫາກນຳແຜ່ນເກມໄປໃສ່ໃນເຄື່ອງຫຼິ້ນ CD ເຮົາຈະໄດ້ Track ລັບທີ່ Richter ແລະ Maria ຈະບອກວ່າ:: “ນີ້ຄືແຜ່ນສຳລັບເຄື່ອງ PC-Engine”
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: online station