ອີງຕາມການລາຍງານຂ່າວຂອງສຳນັກຂ່າວຕ່າງປະເທດວັນທີ 26 ຕຸລາ 2016 ນີ້ວ່າ: ມີການສຳຫຼວດໃໝ່ໄດ້ບົ່ງບອກວ່າ ປະເທດມຽນມາເປັນປະເທດທີ່ຄວາມໃຈກວ້າງ ແລະເອື້ອເຟື້ອເພື່ອແຜ່ທີ່ສຸດໃນໂລກ ເພາະຄົນມຽນມາ 91% ເປັນຄົນມັກນິຍົມນີ້ເອົາເງິນໄປບໍລິຈາກເພື່ອການກຸສົນ ເຊິ່ງໃນປີນີ້ຕິດອັນດັບເປັນປີທີ 3 ແລ້ວ ແລະລາຍງານດັ່ງກ່າວ ໄດ້ສະທ້ອນໃຫ້ເຫັນສັງຄົມ ແລະວັດທະນະທຳຂອງປະເທດທີ່ຖືພຸດທະສາສະໜາເປັນຫຼັກ ທີ່ໃຊ້ການບໍລິຈາກເພື່ອຊ່ວຍເຫຼືອຜູ້ອື່ນ ແລະປັບປຸງສ້ອມແຊມວັດ
ສ່ວນອັນດັບ 2 ແມ່ນປະເທດສະຫະລັດອາເມລິກາ 63% ເຊິ່ງຄົນອາເມລິກາ ນິຍົມການບໍລິຈາກ ແລະອີກ 73% ຍິນດີທີ່ຈະໃຫ້ການຊ່ວຍເຫຼືອ ຄົນທີ່ຕົນບໍ່ຮູ້ຈັກ
ສ່ວນປະເທດທີ່ມີຄວາມໃຈກວ້າງໜ້ອຍທີ່ສຸດໃນໂລກແມ່ນປະເທດຈີນ, ແຕ່ຂໍ້ມູນທີ່ສຳຫຼວດແມ່ນອີງໃສ່ຄົນ 1000 ຄົນ, ໃນ 140 ປະເທດ, ສຳລັບປະເທດອີລັກ ແລະລີເບຍ ກໍມີຄວາມໃຈກວ້າງ ແກ່ຄົນທີ່ຕົນບໍ່ຮູ້ຈັກຄືກັນ ແຕ່ທັງສອງປະເທດ ບໍ່ຕິດອັນດັບເພາະມີສົງຄາມ ແລະຄວາມຂັດແຍ່ງທີ່ເກີດຂຶ້ນໃນປີນີ້
ອັນດັບປະເທດທີ່ມີຄວາມໃຈກວ້າງຫຼາຍທີ່ສຸດໃນໂລກ
