ຄວາມເຂັ້ມຂຸ້ນຂອງແກ໊ສກາກບອນໄດອອກໄຊໃນບັນຍາກາດໂລກທຸບສະຖິຕິໃໝ່ ເຖິງຈຸດຂີດອັນຕະລາຍຈາກພູມອາກາດໂລກປ່ຽນແປງ.
ອົງການອຸຕຸນິຍົມວິທະຍາໂລກ ໜ່ວຍງານໃນສະຫະປະຊາຊາດລະບຸໃນລາຍງານປະຈຳປີວ່າ ປະລິມານຄວາມເຂັ້ມຂຸ້ນຂອງແກ໊ສກາບອນໄດອອກໄຊໃນຊັ້ນບັນຍາກາດໂລກໃນປີ 2015 ທີ່ຜ່ານມາ ມີຄ່າສະເລ່ຍທົ່ວໂລກ 400 ພີພີເອັມ ຊຶ່ງເປັນຕົວເລກທີ່ສູງເປັນສັນຍານທີ່ນ່າວິຕົກກັງວົນວ່າ ອຸນຫະພູມປ່ຽນແປງຈາກສີມືຂອງມະນຸດຍັງດຳເນີນຕໍ່ໄປຢ່າງບໍ່ຢຸດຢັ້ງ. ອາຍພິດເຮືອນແກ້ວທີ່ເປັນຕົວສຳຄັນຂອງອຸນຫະພູມປ່ຽນແປງ ທີ່ເຂັ້ມຂຸ້ນເຖິງ 400 ພີພີເອັມໃນບາງເດືອນ ແລະບາງສະຖານທີ່ ແຕ່ຍັງບໍ່ເຄີຍມີປະລິມານສະເລ່ຍທົ່ວໂລກຈຸລະດັບນີ້ມາກ່ອນ, ອັດຕາຄວາມເຂັ້ມຂຸ້ນຂອງແກ໊ສກາກບອນໄດອອກໄຊຍັງໄດ້ເພີ່ມສູງຂຶ້ນສ້າງສະຖິໃໝ່ອີກເທື່ອໜຶ່ງໃນປີນີ້ ແລະ ຄາດວ່າປະລິມານສະເລ່ຍທົ່ວໂລກຈະບໍ່ຕໍ່າກວ່າ 400 ພີພີເອັມໄປອີກຫຼາຍຊົ່ວອາຍຸຄົນ.
ອັດຕາຄວາມເຂັ້ມຂຸ້ນຂອງແກ໊ສກາກບອນໄດອອກໄຊໃນປີທີ່ຜ່ານມາເພີ່ມສູງຂຶ້ນ ສ່ວນໜຶ່ງເປັນເພາະປາກົດການເອລນີໂຍທີ່ຈະເກີດທຸກ 4-5 ປີ ກໍ່ໃຫ້ເກີດຄວາມແຫ້ງແລ້ງ ແລະ ຫຼຸດຂີດຄວາມສາມາດໃນການດູດຊືມອາຍພິດເຮືອນແກ້ວຊະນິດນີ້ຂອງຕົ້ນໄມ້, ປ່າໄມ້ ແລະ ມະຫາສະໝຸດ ສະນັ້ນເອລນີໂຍຜ່ານພົ້ນໄປແລ້ວ ການປ່ຽນແປງອຸນຫະພູມຍັງຢູ່, ແກ໊ສກາກບອນໄດອອກໄຊເກີດຈາກການເຜົາໄໝ້ເຊື້ອໄຟຟອສຊິລເຊັ່ນ: ຖ່ານຫີນ ແລະ ແກ໊ສ ເປັນສາຍເຫດຂອງພາວະໂລກຮ້ອນ 76%.
ທີ່ມາ: 
ຕິດຕາມຂ່າວເສດຖະກິດລາວ ກົດໄລຄ໌ເລີຍ!