ມະຫາວິທະຍາໄລແຫ່ງຊາດຂໍຖືເປັນກຽດແຈ້ງມາຍັງບັນດາທ່ານ ເພື່ອຮັບຊາບ ແລະ ປະຕິບັດການນຳໃຊ້ ປະຕູເຂົ້າ-ອອກ ມະຫາວິທະຍາໄລແຫ່ງຊາດ. ຈຸດປະສົງເພື່ອຕ້ານປະກົດການຫຍໍ້ທໍ້ທີ່ອາດເກີດຂຶ້ນ ແລະ ເພື່ອແກ້ໄຂບັນຫາການສັນຈອນຢູ່ພາຍໃນໃຫ້ມີຄວາມເປັນລະບຽບຮຽບຮ້ອຍ. ພາຍຫຼັງໄດ້ສຳເລັດການສ້ອມແປງເສັ້ນທາງ,ປະຕູເຂົ້າອອກ ແລະ ໄດ້ເຫັນດີເປັນເອກະພາບກັນໃນກອງປະຊຸມຄະນະນຳຄັ້ງວັນທີ 17 ຕຸລາ 2016 ໄດ້ທົດລອງເປີດນຳໃຊ້ນັບແຕ່ວັນທີ 24 ຕຸລາ 2016 ເປັນຕົ້ນໄປ ໂດຍປະຕິບັດດັ່ງນີ້:
1. ປະຕູເຂົ້າ ປະກອບມີ 2 ປະຕູຄື
– ປະຕູເບື້ອງໂຮງຮຽນອານຸບານລຽງເດັກດົງໂດກ (ທິດຕາເວັນຕົກ).
– ປະຕູຜ່ານຫນ້າຫໍສະໝຸດກາງ-ປ່າສັກ (ທິດຕາເວັນອອກ)
2. ປະຕູອອກ ປະກອບມີ 2 ປະຕູຄື:
– ປະຕູໃຫ່ຍຜ່ານໄຟອຳນາດທາງລົງຫາສາງຫລັກ 9
– ປະຕູໃຫ່ຍທາງຫໍພັກຍິງອອກສູ່ຕະຫລາດວິທະຍາເຂດດົງໂດກ
3. ປະຕູທີ່ສາມາດເຂົ້າ-ອອກ ໄດ້ມີ 1 ປະຕູຄື:
– ປະຕູທາງຂຶ້ນສຳນັກງານອະທິການບໍດີ
ດັ່ງນັ້ນຈຶ່ງແຈ້ງມາຍັງບັນດາທ່ານພະນັກງານ ຄູ-ອາຈານ ແລະ ນັກສຶກສາ ເພື່ອຊາບ ແລະປະຕິບັດ.

ທີ່ມາ: ມະຫາວິທະຍາໄລແຫ່ງຊາດ