ບັນດານັກທຸລະກິດຫວຽດນາມ ທີ່ມາລົງທຶນຢູ່ລາວຫຼາຍໆບໍລິສັດໄດ້ສະເໜີຕໍ່ລັດຖະບານຫຼາຍບັນຫາເປັນຕົ້ນ ການອະນຸຍາດນຳເຂົ້າ ແລະສົ່ງອອກສິນຄ້າຢູ່ດ່ານຍັງຊັກຊ້າ, ການສຳປະທານທີ່ດິນປູກຢາງພາລາ, ໂຄງການກໍ່ສ້າງ ເຂື່ອນໄຟຟ້າ, ຂຸດຄົ້ນບໍ່ແຮ່, ການເກັບພາ ສີອາກອນ, ບັນຫາແຮງງານ ແລະອື່ນໆ.
ວັນທີ 21 ຕຸລາຜ່ານມາ ໄດ້ມີພິທີພົບ ປະລະຫວ່າງລັດຖະບານ ແລະນັກທຸລະ ກິດຫວຽດນາມຢູ່ລາວ ໂດຍເຂົ້າຮ່ວມມີ ທ່ານ ທອງລຸນ ສີສຸລິດ ນາຍົກລັດຖະມົນ ຕີແຫ່ງ ສປປ ລາວ, ມີທ່ານຮອງນາຍົກ, ບັນດາລັດຖະມົນຕີ,ຫົວໜ້າກົມ, ຮອງກົມພາກສ່ວນທີ່ກ່ຽວ ຂ້ອງ, ບັນດານັກທຸລະກິດຫວຽດນາມ ທີ່ມາລົງທຶນຢູ່ລາວເຂົ້າຮ່ວມ.
ໃນພິທີພົບປະດັ່ງກ່າວບັນດານັກທຸລະກິດຫວຽດນາມ ກໍໄດ້ສະເໜີຕໍ່ລັດຖະບານຫຼາຍບັນຫາໂດຍສະເພາະການນຳ ເຂົ້າ ແລະສົ່ງອອກສິນຄ້າຢູ່ດ່ານຍັງມີລັກ ສະນະທີ່ຊັກຊ້າ, ການເກັບພາສີອາກອນແພງເກີນໄປ, ຂາດແຮງງານ, ການສຳ ປະທານທີ່ດິນຍັງບໍ່ໄດ້ຕາມຄາດໝາຍ, ໂຄງການກໍ່ສ້າງເຂື່ອນ, ຂຸດຄົ້ນບໍ່ແຮ່ ແລະອື່ນໆ ຕໍ່ບັນຫາດັ່ງກ່າວບັນດາລັດ ຖະມົນຕີທີ່ກ່ຽວຂ້ອງກໍໄດ້ຂຶ້ນຊີ້ແຈງອະທິບາຍໃຫ້ຄວາມກະຈ່າງແຈ້ງຕໍ່ນັກທຸລະ ກິດຫວຽດນາມທີ່ມາລົງທຶນຢູ່ລາວຕາມ ສະພາບຄວາມເປັນຈິງ.
ໃນໂອກາດນີ້ ທ່ານ ທອງລຸນ ສີສຸລິດ ກໍໄດ້ກ່າວເນັ້ນຕໍ່ນັກທຸລະກິດຫວຽດນາມ ວ່າ: ການລົງທຶນຂອງ ສສ ຫວຽດນາມ ຢູ່ລາວແມ່ນຢູ່ອັນດັບທີ 3 ຂອງການລົງທຶນຕ່າງປະເທດທັງໝົດຊຶ່ງຢາກໃຫ້ບັນດາໂຄງການທີ່ລົງທຶນນັ້ນມີປະສິດທິຜົນດີ ນັກທຸລະກິດຫວຽດນາມຕ້ອງໄດ້ສຶກ ສາຄົ້ນຄວ້າເບິ່ງວ່າອັນໃດທີ່ສາມາດ ເຮັດໄດ້ ແລະເຮັດບໍ່ໄດ້ທີ່ສຳຄັນບໍ່ໃຫ້ເບິ່ງພຽງຜົນປະໂຫຍດໄລຍະສັ້ນ ແຕ່ຕ້ອງ ເຫັນໄດ້ຜົນກຳໄລໄລຍະຍາວເພາະ ສປປ ລາວ ທາງຫຼາຍເສັ້ນຍັງບໍ່ທັນໄດ້ມາດ ຖານ, ບໍ່ມີທາງຂົນສົ່ງອອກສູ່ທະເລ, ທາງລົດໄຟຍັງບໍ່ມີແນ່ນອນວຽກງານບາງດ້ານຍັງພົບຄວາມຫຍຸ້ງຍາກແຕ່ທຸກຢ່າງ ຈະຄ່ອຍ ໄດ້ຮັບການແກ້ໄຂ.
ຂ່າວ: ເສດຖະກິດ-ສັງຄົມ