ເມື່ອເວລາປະມານ 16:00 ໂມງ ຂອງວັນທີ 20 ຕຸລາ 2016 ທີ່ຜ່ານມາ ຫຼັງຈາກເກີດເຫດປຸ້ນຈີ້ເອົາລົດຈັກຂອງປະຊາຊົນໃນເສັ້ນທາງ 8A ເຂດ ບ້ານຫລັກເຈັດ ທາງໄປຫວຽດນາມ ທາງເຈົ້າໜ້າທີ່ວິຊາສະເພາະໃດ້ຕິດຕາມຜູ້ກໍ່ເຫດ ແລະ ສາມາດຈັບກຸມໂຈນຮ້າຍໃນວັນດຽວກັນນັ້ນ ເຊິ່ງໂຈນທີ່ຈັບໄດ້ມີທັງໝົດ 6 ຄົນ ຊື່ ທ້າວ ຂັນທອງ ຄະດີມີຢາເສບຕິດໄວ້ໃນຄອບຄອງປະເພດຢາບ້າ, ທ້າວ ສຸພາພອນ ຄະດີລັກຊັບພົນລະເມືອງ+ນັກເລງອັນຕະພານ, ທ້າວ ຫຳນ້ອຍ ຄະດີລັກຊັບ, ທ້າວ ສຸກສະຫວັນ ຄະດີລັກຊັບພົນລະເມືອງ, ທ້າວ ໄຊມີ ຄະດີຢາເສບຕິດ, ທ້າວ ກິນ້ອຍ ຄະດີຢາເສບຕິດ, ທ້າວ ດາລາ ຄະດີນັກເລງອັນຕະພາບ+ຢາເສບຕິດ

ຂະບວນການນີ້ມີການພົວພັນກັບສິ່ງຫຍໍ້ທໍ້ຫຼາຍບັນຫາເປັນຕົ້ນແມ່ນປຸ້ນຈີ້ຊິງຊັບຫຼາຍກໍລະນີ, ລັກຊັບພົນລະເມືອງ, ຄະດີພົວພັບກັບຢາເສບຕິດທັງເສບ ແລະ ມີໄວ້ໃນຄອບຄອງປະເພດຢາບ້າ ພ້ອມທັງເປັນນັກເລງອັນຕະພານ ເຊິ່ງໃນຕອນນີ້ທາງເຈົ້າໜ້າທີ່ຕຳຫຼວດໜ່ວຍງານວິຊາສະເພາະຂອງພື້ນທີ່ ໄດ້ຈັບກຸມ ແລະ ພວມດຳເນີນຄະດີຕໍ່ກຸ່ມຄົນຜູ້ກະທຳຄວາມຜິດຕໍ່ກົດໝາຍບ້ານເມືອງ

ຈາກນັກຂ່າວລາວໂພສປະຈຳເມືອງຄຳເກີດລາຍງານ

ຕິດຕາມຂ່າວເສດຖະກິດລາວ ກົດໄລຄ໌ເລີຍ!