spot_img
Homeນານາສາລະ10 ຂໍ້ທີ່ຄວນຮູ້ເພື່ອຈະບໍ່ພາດໃນການຂໍທຶນໄປຮຽນຕໍ່ຕ່າງປະເທດ

10 ຂໍ້ທີ່ຄວນຮູ້ເພື່ອຈະບໍ່ພາດໃນການຂໍທຶນໄປຮຽນຕໍ່ຕ່າງປະເທດ

Published on

ວັນນີ້ເຮົາມີຂໍ້ມູນເດັດໆ ມາໃຫ້ຄົນທີ່ຢາກຮຽນຕໍ່ຕ່າງປະເທດໄດ້ສຶກສາກັນໄວ້ກ່ອນ ເພື່ອຈະບໍ່ພາດໃນການຂໍທຶນ ພວກເຮົາເລີຍມີ 10 ຂໍ້ທີ່ຄວນຮູ້ເພື່ອຈະບໍ່ພາດໃນການຂໍທຶນໄປຮຽນຕໍ່ຕ່າງປະເທດ ມາຝາກກັນ

  1. ຢ່າໃສ່ຂໍ້ມູນຜິດລົງໃບສະໝັກ:ກ່ອນທີ່ເຮົາຈະຕອບຄຳຖາມແຕ່ລະຂໍ້ຕ້ອງອ່ານດີໆ ອ່ານໃຫ້ເຂົ້າໃຈຄັກໆແລ້ວຈິ່ງຄ່ອຍຕອບ
  2. ບໍ່ຍອມຮັບຜິດຊອບໃນການສະໝັກຮຽນເອງ:ຖືເປັນເລື່ອງສຳຄັນຢ່າໃຫ້ບຸກຄົນອື່ນເຮັດແທນ, ຕິດຕໍ່ແທນ ເພາະນີ້ເລື່ອງນີ້ເຈົ້າຈະຕ້ອງເປັນຄົນຂຽນເອງ, ຕິດຕາມເອງ ແລະ ພະຍາຍາມເຮັດໃຫ້ແບບຟອມນັ້ນສົມບູນແບບທີ່ສຸດ ເພື່ອສະແດງຄວາມຈິງໃຈໃຫ້ພວກເຂົາໄດ້ເຫັນວ່າເຈົ້າຢາກເຂົ້າຮຽນນຳວິທະຍາໄລພວກເຂົາແທ້
  3. ຊີວະປະຫວັດຢ່າມີຄວາມຍາວເກີນໄປ:ຂໍສັ້ນໆໜ້າດຽວແຕ່ມີເນື້ອໃນຊັດເຈນ ເຂົ້າໃຈງ່າຍ
  4. ເອກະສານລາຍລະອຽດຢ່າພິມຜິດພິມຖືກ:ຜູ້ທີ່ຈະສະໝັກເຂົ້າຮຽນຕໍ່ທີ່ຕ່າງປະເທດການຂຽນເປັນສິ່ງສຳຄັນຫຼາຍ ເພາະນີ້ກໍ່ແມ່ນສິ່ງໜຶ່ງທີ່ພວກເຂົາພິຈາລະນາ
  5. ຢ່າສົ່ງໃບສະໝັກໃນວັນສຸດທ້າຍ:ນັກສຶກສາຫຼາຍຄົນມັກສົ່ງໃບສະໝັກໃນວັນສຸດທ້າຍ ເຊິ່ງເປັນຂໍ້ຜິດພາດພໍສົມຄວນ ເພາະພວກເຂົາຈະເບິ່ງວ່າທ່ານສົນໃຈສະໝັກທຶນນີ້ຫຼາຍໜ້ອຍພຽງໃດ ສະນັ້ນການສົ່ງກ່ອນກຳນົດໄວເທົ່າໃດຍິ່ງດີ
  6. ຢ່າຂຽນEssay ຊ້ຳໆ
    ໃນການຂຽນ Essay ປະກອບເຂົ້າໃນການສະໝັກຮຽນຕໍ່ ຫຼາຍຄົນມັກເຮັດຜິດພາດບ່ອນທີ່ວ່າ ຂຽນເລື່ອງລາວວົນໄປວຽນມາ
  7. ຕ້ອງຖາມຄຳຖາມໃຫ້ຖືກວິທີ
    ກ່ອນການໄດ້ຮັບເລືອກເຂົ້າຮຽນ ຄະນະກຳມະການຈະເປີດໂອກາດໃຫ້ຜູ້ສະໝັກໄດ້ມີໂອກາດຖາມໃນເລື່ອງທີ່ຢາກຮູ້ ເຮົາຄວນເລືອກຖາມເລື່ອງຄວາມສຳຄັນຂອງວິທະຍາໄລ, ວັດທະນະທຳ, ການໃຊ້ຊີວິດເວລາຮຽນ ແບບນີ້ເປັນຕົ້ນ
  8. ຕ້ອງຂຽນໃຫ້ຮູ້ວ່າເຮົາຢາກເຂົ້າຮຽນ
    ການຂຽນເຖິງມະຫາວິທະຍາໄລທີ່ເຮົາກຳລັງສະໝັກຮຽນ ພ້ອມທັງບອກເຫດຜົນຂອງເຮົາ ຮວມທັງຂໍ້ດີຂອງສະຖາບັນທີ່ເໝາະສົມກັບເຮົາ ເຮັດໃຫ້ໃບສະໝັກຂອງເຮົາໂດດເດັ່ນ ແລະ ເປັນເອກະລັກ ແລະ ບໍ່ຄວນທີ່ສຸດທີ່ຈະຂຽນຮູບແບບດຽວໃຫ້ສາມາດໃຊ້ໄດ້ກັບທຸກສະຖາບັນ ເພາະມັນຈະກາຍເປັນໃບສະໝັກທຳມະດານັ້ນເອງ
  9. ຢ່າເນັ້ນໄປທີ່ຫຼາກຫຼາຍກິດຈະກຳຈົນເກີນໄປ
    ແນ່ນອນວ່າການເຂົ້າຮຽນມະຫາວິທະຍາໄລ ຈະມີຫຼາກຫຼາຍກິດຈະກຳໃຫ້ເຮົາເຮັດ ແລະ ຫຼາຍຄົນກໍ່ເຮັດໄດ້ຫຼາຍຢ່າງ ແຕ່ຄະນະກຳມະການຕ້ອງການທີ່ຈະເຫັນຜູ່ສະໝັກສະແດງຄວາມຕັ້ງໃຈ ຄວາມສົນໃຈໃນກິດຈະກຳທີ່ຕົນມັກທີ່ສຸດເທົ່ານັ້ນ
  10. ຕ້ອງຂຽນໃຫ້ຜ່ານທຸກຫົວຂໍ້
    ກ່ອນທີ່ຈະສົ່ງໃບສະໝັກເຂົ້າຂໍທຶນຮຽນ ທ່ານຕ້ອງກວດເບິ່ງຄັກໆ ເບິ່ງໃຫ້ແນ່ໃຈຢ່າໃຫ້ມີຂໍ້ຜິດພາດໃດ ຢ່າລືມວ່າບໍ່ແມ່ນມີແຕ່ເຮົາທີ່ຕ້ອງການທຶນ ການແຂ່ງຂັນມີສູງ ສະນັ້ນເຮົາຕ້ອງມີທັງຄວາມຮູ້ ແລະ ຄວາມຮອບຂອບອີກດ້ວຍ

 

ທີ່ມາ: http://www.wegointer.com/2013/10/10
ຕິດຕາມນານາສາລະ ກົດໄລຄ໌ເລີຍ!

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...