spot_img
Homeມຸມຂ່າວ AECອາຊຽນຫາລືການຈັດຕັ້ງປະຕິບັດ ແຜນແມ່ບົດການເຊື່ອມຈອດອາຊຽນຄັ້ງທີ 7 ຢູ່ນະຄອນຫລວງວຽງຈັນ

ອາຊຽນຫາລືການຈັດຕັ້ງປະຕິບັດ ແຜນແມ່ບົດການເຊື່ອມຈອດອາຊຽນຄັ້ງທີ 7 ຢູ່ນະຄອນຫລວງວຽງຈັນ

Published on

ຂປລ. ​​ວັນທີ 20 ຕຸລາ 2016 ນີ້ ຢູ່ນະຄອນຫລວງວຽງຈັນ ສປປ ລາວ ໃນນາມເປັນປະທານ ຄະນະກໍາມະການປະສານງານການເຊື່ອມຈອດອາຊຽນ ໄດ້ສືບຕໍ່ເປັນເຈົ້າພາບຈັດກອງປະຊຸມເພື່ອປຶກສາຫາລື ກ່ຽວກັບການຈັດຕັ້ງປະຕິບັດ​ ແຜນແມ່ບົດໃນການເຊື່ອມຈອດອາຊຽນພາຍໃຕ້ຄໍາຂັວນຮັດແໜ້ນເປັນຄູ່ຮ່ວມມືເພື່ອບັນລຸການຈັດຕັ້ງປະຕິບັດ ແຜນແມ່ບົດການເຊື່ອມຈອດອາຊຽນ 2025” ​ໂດຍມີ ທ່ານ ທອງຜ່ານສະຫວັນເພັດ ຮອງລັດຖະມົນຕີກະຊວງການຕ່າງປະເທດ, ມີບັນດາປະເທດສະມາຊິກອາຊຽນ, ຄູ່ເຈລະຈາອາຊຽນ, ຄູ່ຮ່ວມມືພາຍນອກ, ອົງການຈັດຕັ້ງສາກົນ, ສະມາຄົມທຸລະກິດ, ໜ່ວຍງານຄັງສະໝອງແລະ ອົງການຈັດຕັ້ງ ທີ່ບໍ່ສັງກັດລັດຖະບານ​ ​ພາຍໃນແລະ ຕ່າງປະເທດເຂົ້າຮ່ວມ.

ໃນໂອກາດນີ້, ທ່ານ ທອງຜ່ານ ສະຫວັນເພັດໄດ້ມີຄໍາເຫັນບາງຕອນໂດຍທ່ານໄດ້​​ເນັ້ນໜັກ​​ເຖິງ​ ການຮັບປະກັນການຈັດຕັ້ງປະຕິບັດ​ ແຜນແມ່ບົດເພື່ອການເຊື່ອມຈອດອາຊຽນ 2025 ​ໃຫ້ມີປະສິດທິພາບເຊິ່ງກອງປະຊຸມໃນຄັ້ງນີ້ ມີຈຸດປະສົງຫລັກເພື່ອລະດົມຄວາມຄິດເຫັນ ຈາກພາກສ່ວນຕ່າງໆທີ່ກ່ຽວຂ້ອງໃນການຈັດຕັ້ງປະຕິບັດ​ ແຜນແມ່ບົດການເຊື່ອມຈອດອາຊຽນ 2025 ​ໂດຍສະເພາະແມ່ນການ ລະດົມແນວຄວາມຄິດ ເພື່ອແກ້ໄຂບັນຫາຕ່າງໆ ເຊັ່ນ: ບັນຫາການປະສານງານ ລະຫວ່າງຂະແໜງການກ່ຽວຂ້ອງ, ການຮ່ວມມືກັບປະເທດ ຄູ່ເຈລະຈາຂອງອາຊຽນເພື່ອປະຕິບັດໂຄງການຮ່ວມກັນແລະ ການລະດົມທຶນຮອນແລະ ການມີສ່ວນຮ່ວມຂອງພາກເອກະຊົນເພື່ອຮັບປະກັນຜົນສໍາເລັດຂອງການຈັດຕັ້ງປະຕິບັດ​ ແຜນແມ່ບົດດັ່ງກ່າວ. ທັງເປັນໂອກາດ​​ເຜີຍແຜ່ໃຫ້ພາກສ່ວນຕ່າງໆເຂົ້າໃຈກ່ຽວກັບ​ ການເຊື່ອມຈອດອາຊຽນເຊິ່ງບັນດາຜູ້ເຂົ້າຮ່ວມໄດ້ຮັບຟັງການປຶກສາຫາລືຈາກຜູ້ຊົງຄຸນວຸດທິ ທີ່ມາຈາກຫລາຍພາກສ່ວນແລະເປັນຕົວແທນໃຫ້ແຕ່ລະຂະແໜງການເຊິ່ງມີການສົນທະນາບັນຫາຕ່າງໆພາຍໃນ 5 ຫົວຂໍ້ ເປັນຕົ້ນ​​ແມ່ນ ຜົນຂອງການຈັດຕັ້ງປະຕິບັດ​ ແຜນແມ່ບົດການເຊື່ອມຈອດອາຊຽນ 2010 ​ແລະ ການນໍາສະເໜີແຜນແມ່ບົດການເຊື່ອມຈອດອາຊຽນ 2025 ການຮ່ວມມືກັນເພື່ອຈັດຕັ້ງປະຕິບັດ​ ແຜນແມ່ບົດການເຊື່ອມຈອດອາຊຽນ 2025, ການຮ່ວມມືກັບປະເທດຄູ່ຮ່ວມພາຍນອກ, ການຮ່ວມມືກັບບັນດາພາກສ່ວນກ່ຽວຂ້ອງຕ່າງໆແລະ ກາລະໂອກາດ ຈາກການຈັດຕັ້ງປະຕິບັດການເຊື່ອມຈອດອາຊຽນ 2025 ກໍຄືການປະຕິບັດທີ່ດີທີ່ສຸດແລະ ບົດຮຽນທີ່ຖອດຖອນໄດ້ ຈາກການຈັດຕັ້ງປະຕິບັດ ແຜນແມ່ບົດດັ່ງກ່າວໃນໄລຍະຜ່ານມາເພື່ອບັນລຸເປົ້າໝາຍການເຊື່ອມຈອດອາຊຽນແນໃສ່ສົ່ງເສີມການໄປມາຫາສູ່ແລະ ສ້າງຜົນປະໂຫຍໃຫ້ແກ່ປະຊາຊົນຫລາຍຂຶ້ນ.

dsc_3787-asean-7-2

ແຫລ່ງຂ່າວ:

ຂປລ

 

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...