Homeຂ່າວການສຶກສາອົດສະຕາລີ ມອບປຶ້ມແບບຮຽນພາສາອັງກິດ ໃຫ້ລາວ 16 ພັນຊຸດ ພ້ອມກຽມແຈກຢາຍໃຫ້ທົ່ວປະເທດ

ອົດສະຕາລີ ມອບປຶ້ມແບບຮຽນພາສາອັງກິດ ໃຫ້ລາວ 16 ພັນຊຸດ ພ້ອມກຽມແຈກຢາຍໃຫ້ທົ່ວປະເທດ

Published on

ພິທີມອບ-ຮັບອຸປະກອນແບບຮຽນພາສາອັງກິດ ຈາກລັດຖະບານອົດສະຕາລີ ໃຫ້ແກ່ ສປປ ລາວ ຈໍານວນ 16 ພັນຊຸດ ໄດ້ມີຂຶ້ນໃນວັນທີ 18 ຕຸລານີ້ ທີ່ນະຄອນຫລວງວຽງຈັນ ລະຫວ່າງທ່ານເອກອັກຄະລັດຖະທູດອົດສະຕາລີປະຈໍາລາວ ຈອນ ວຽນລ້ຽມ ແລະ ທ່ານລັດຖະມົນຕີກະຊວງສຶກສາທິການ ແລະ ກິລາ ທ່ານ ນາງ ແສງເດືອນ ຫລ້າຈັນທະບູນ.

ອຸປະກອນແບບຮຽນດັ່ງກ່າວປະກອບມີ: ປື້ມແບບຮຽນ, ປື້ມຄູ່ມືຄູ ແລະ ແຜ່ນຊີດີ ທີ່ພັດທະນາດ້ານຫລັກສູດການຮຽນ-ການສອນສໍາລັບພະນັກງານ, ຄູ ແລະ ນັກຮຽນ ລວມທັງຫລັກສູດອາຊຽນ ແລະ ແບບຮຽນດັ່ງກ່າວ ຈະໄດ້ແຈກຢາຍໃຫ້ບັນດາກະຊວງ, ອົງການຈັດຕັ້ງມະຫາຊົນ, ທ້ອງຖິ່ນຕ່າງໆ ແລະ ສະຖາບັນການສຶກສາອາຊີວະທົ່ວປະເທດໃນມໍ່ໆນີ້ ເພື່ອນໍາໃຊ້ແທນແບບຮຽນພາສາອັງກິດຊຸດເກົ່າ ທີ່ລັດຖະບານອົດສະຕາລີ ເຄີຍໄດ້ຊ່ວຍເຫລືອ ແຕ່ປີ 2005.

ທ່ານທູດອົດສະຕາລີ ກ່າວວ່າ: ການຊ່ວຍເຫລືອແບບຮຽນພາສາອັງກິດໃນເທື່ອນີ້ ເປັນພຽງສ່ວນໜຶ່ງໃນແຜນງານຂອງລັດຖະບານອົດສະຕາລີ ເພື່ອຊ່ວຍພັດທະນາຊັບພະຍາກອນມະນຸດໃນລາວ. ນອກຈາກນີ້ ໃນແຕ່ລະປີອົດສະຕາລີ ຍັງໄດ້ສະໜອງທຶນສຶກສາທັງຢູ່ພາຍໃນ ແລະ ຕ່າງປະເທດໃຫ້ລາວ ເປັນຈໍານວນບໍ່ໜ້ອຍ, ເນື່ອງຈາກວ່າການສຶກສາເປັນປັດໄຈພື້ນຖານ ຂອງການພັດທະນາປະເທດເວົ້າລວມ, ເວົ້າສະເພາະການຮຽນພາສາອັງກິດໃນປັດຈຸບັນ ກໍຍິ່ງມີຄວາມຕ້ອງການຢ່າງສູງ ເພາະວ່າເປັນພາສາທາງການສາກົນ.

ໃນໂອກາດດຽວກັນ, ທ່ານລັດຖະມົນຕີກະຊວງສຶກສາທິການ ແລະ ກິລາ ໄດ້ຕາງໜ້າລັດຖະບານ ກໍຄືປະຊາຊົນລາວ ສະແດງຄວາມຂອບໃຈຕໍ່ລັດຖະບານອົດສະຕາລີ ທີ່ໄດ້ໃຫ້ການຊ່ວຍເຫລືອໃນຄັ້ງນີ້, ເຊິ່ງຈະເປັນປະໂຫຍດໃຫຍ່ຫລວງ ຕໍ່ການພັດທະນາຊັບພະຍາກອນມະນຸດຂອງລາວ ສູງຂຶ້ນອີກບາດກ້າວໜຶ່ງ ແລະ ປະເທດລາວໄດ້ເປັນສະມາຊິກອາຊຽນ, ສະນັ້ນການຮຽນພາສາອັງກິດແມ່ນມີຄວາມສໍາຄັນຈໍາເປັນ ສໍາລັບພະນັກງານ, ນັກຮຽນ-ນັກສຶກສາ ໃນທຸກຂົງເຂດວຽກງານ ເພື່ອໃຫ້ສາມາດສື່ສານເຊື່ອມໂຍງກັບພາກພື້ນ ແລະ ສາກົນໄດ້ເປັນຢ່າງດີ.

 

ແຫລ່ງຂ່າວ:

ລພນ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...