ພຶດຕິກຳການດຳລົງຊີວິດປະຈຳວັນຂອງຄົນເຮົາ ກໍ່ເປັນ 1 ປັດໃຈທີ່ເຮັດໃຫ້ອາຍຸສັ້ນໄດ້ ເຊິ່ງຫຼາຍໆຄົນອາດຈະບໍ່ເຄີຍຮູ້ ຫຼື ບໍ່ເຄີຍຄຳນຶງເຖິງຜົນເສຍມາກ່ອນ ຖ້າຫາກໃຜຍັງຢາກໃຊ້ຊີວິດໃນໂລກນີ້ດົນໆ ຖ້າເບິ່ງຄວາມຈະເລີນຂອງປະເທດໄປດົນໆ ແລະ ຢາກຢູ່ກັບຄົນຮັກໄປດົນໆ ຄວນຫຼີກລ່ຽງພຶດຕິກຳດັ່ງຕໍ່ໄປນີ້

1. ພັກຜ່ອນບໍ່ພຽງພໍ: ນອນເດິກນອນບໍ່ພໍ, ເຮັດວຽກຫຼາຍເກີນໄປ, ທ່ຽວຫຼາຍເກີນໄປ ແລະ ອື່ນໆ ສິ່ງເຫຼົ່ານີ້ແມ່ນສ່ຽງກັບການໂຣກຮ້າຍຄື ຄວາມດັນຕໍ່າ, ເຈັບຫົວ, ໂຣກຫົວໃຈ ແລະ ອື່ນໆ.
2. ກິນອາຫານບໍ່ເປັນເວລາ ສ່ຽງຕໍ່ໂຣກກຮ້າຍເຊັ່ນ: ໂລກກະເພາະອາຫານກົດໄຫຼຍ້ອນ, ໂຣກອ້ວນ.
3. ນັ່ງຕິດຕັ່ງຫຼາຍຊົ່ວໂມງບໍ່ຍອມລຸກສ່ຽງຕໍ່ການເປັນໂຣກຮ້າຍຄື ອອບຟິດຊິນໂດຣມ, ປວດເມື່ອຍບ່າ, ຄໍ, ໄຫຼ່, ຂໍ້ມື, ໄຂມັນອຸດຕັນເສັ້ນເລືອດ, ເບົາຫວານ ແລະ ໂຣກອ້ວນ.
4. ກິນຂອງກິນທີ່ມີຄວາມມັນ, ຄວາມຫວານຫຼາຍສ່ຽງຕໍ່ການເປັນໂຣກຮ້າຍຄື ໄຂມັນອຸດຕັນໃນເສັ້ນເລືອດ, ໄຂມັນໂອບຕັບ, ໂຣກອ້ວນ ແລະ ເບົາຫວານ.
5. ບໍ່ອອກກຳລັງກາຍສ່ຽງຕໍ່ການເປັນໂຣກຮ້າຍຄື ສາລະພັດໂຣກເພາະຫາກອອກກຳລັງກາຍດີ ກໍ່ສາມາສ້າງພູມຕ້ານທານໃຫ້ຮ່າງກາຍໄດ້.
6. ໃຊ້ຊີວິດຢ່າງປະໝາດເຊັ່ນ: ເຮັດວຽກກັບເຄື່ອງຈັກດ້ວຍຄວາມປະໝາດ, ຂັບຂີ່ຍານພາຫະນະດ້ວຍຄວາມປະໝາດ ແລະ ເຮັດອື່ນໆດ້ວຍຄວາມປະໝາດ ເຊິ່ງອາດເປັນສາເຫດເຮັດໃຫ້ເກີດອັນຕະລາຍກັບຕົວເອງ ຫຼື ຄົນອ້ອມຂ້າງໄດ້
7. ເປັນຄົນຄິດຫຼາຍ ໃຊ້ຄວາມຄິດຢູ່ຕະຫຼອດ ສ່ຽງເປັນໂລກປະສາດໄດ້
8. ມັກຄິດສັ້ນ ຄິດຢາກຂ້າຕົວຕາຍຢູ່ຕະຫຼອດ
9. ເກັບກົດບໍ່ເຂົ້າສັງຄົມ ໃຊ້ຊີວິດຢ່າງຈືດຈາງ ບໍ່ມີຊີວິດຊີວາຄືຄົນອື່ນ ສ່ຽງເປັນໂຣກຊືມເສົ້າໄດ້
10. ບໍ່ມີການປົດປ່ອຍທາງເພດ ມີຜົນການວິໄຈວ່າ ຜູ້ທີ່ບໍ່ເຄີຍປົດປ່ອຍທາງເພດເລີຍຈະອາຍຸສັ້ນກວ່າຄົນທີ່ມີການປົດປ່ອຍທາງເພດ
11. ໃຊ້ຊີວິດຢູ່ກັບສິ່ງມຶນເມົາ, ສິ່ງທີ່ຜິດກົດໝາຍ ແລະ ອະບາຍຍາມຸກຕ່າງໆ ເຊັ່ນ: ຢູ່ກັບສິ່ງເສບຕິດ, ສຸຣາ, ການພະນັນເກີດໜີ້ສິນຫຼາຍ, ການປ່ຽນຄູ່ນອນເປັນປະຈຳໂດຍບໍ່ມີການປ້ອງກັນ

ຖ້າຫາກຕອນນີ້ໃຜຫາກມີພຶດຕິກຳການດຳລົງຊີວິດທີ່ກ່າວມາຂ້າງເທິງນີ້ ກໍ່ຄວນມີການປັບປ່ຽນດ່ວນ ເພື່ອໃຫ້ມີສຸຂະພາບຮ່າງກາຍທີ່ແຂງແຮງ ແລະ ຊີວິດທີ່ຍືນຍາວນັ້ນເອງ

ຕິດຕາມນານາສາລະ ກົດໄລຄ໌ເລີຍ!