ສານປະຊາຊົນແຂວງຈຳປາສັກ ໄດ້ຕັດສິນຄະດີລາຍໃຫຍ່ສອງຜູ້ຕ້ອງຫາຄ້າຂາຍຢາເສບຕິດ
ຈຳນວນ 8 ພັນເມັດ ໃສ່ໂທດຕັດອິດສະຫຼະພາບໃຫ້ຈຳຄຸກຕະຫລອດຊີວິດ ພ້ອມທັງປັບໄໝ
ເງິນຜູ້ລະ 500 ລ້ານກີບ.
ສານປະຊາຊົນແຂວງຈຳປາສັກ ໄດ້ຕັດສິນຄະດີຢາເສບຕິດລາຍໃຫຍ່ ແກ່ສອງຜູ້ຕ້ອງຫາຄື
ທ້າວ ກິແສງ ອາຍຸ 44 ປີ, ສັນຊາດລາວ ອາຊີບຄ້າຂາຍ ບ້ານຢູ່ໂພນສັນ ເມືອງໂພນທອງ ແລະ
ທ້າວ ສຸກ ອາຍຸ 39 ປີ, ສັນຊາດລາວ ອາຊີບເຮັດນາ ຢູ່ບ້ານທົດສອບ ເມືອງປະທຸມພອນ ແຂວງ
ຈຳປາສັກ, ທັງສອງຄົນຖືກຈັບໃນຂໍ້ຫາຄ້າຂາຍຢາເສບຕິດ ແລະ ມີຢາບ້າຄອບຄອງຈຳນວນ
4 ມັດມີຈຳນວນ 8 ພັນເມັດ, ມີນ້ຳໜັກ 716 ກຣາມ ຊຶ່ງທັງສອງຄົນໄດ້ຖືກກັກຕົວໃນວັນທີ
19 ກັນຍາ 2013 ແລະ ສານໄດ້ຕັດສິນອິດສະຫຼະພາບພວກກ່ຽວຕະຫຼອດຊີວິດ, ພ້ອມທັງໄດ້
ປັບໄໝເງິນຜູ້ລະ 500 ລ້ານກີບ, ຢຶດຂອງກາງມີລົດເກັງ ທີ່ພວກຈຳເລີຍທັງສອງນຳໃຊ້ເຂົ້າໃນ
ການກະທຳຜິດ ເຂົ້າເປັນຊັບສົມບັດຂອງລັດ ຕາມຄຳຕັດສິນຂອງສານປະຊາຊົນແຂວງຈຳປາ
ສັກ ເລກທີ 951/ ຂຕອ ລົງວັນທີ 15 ກໍລະກົດ 2014.
ຊຶ່ງການຕັດສິນໂທດດັ່ງກ່າວໄດ້ມີຂຶ້ນໃນຕອນເຊົ້າຂອງມື້ວານນີ້ (15 ກໍ ລະກົດ 2014) ທີ່ສານ
ປະຊາຊົນແຂວງຈຳປາສັກ ຊຶ່ງເປັນການຕັດສິນຄະດີຢາເສບຕິດລາຍໃຫຍ່ປະຈຳປີ 2014 ເພື່ອ
ປະຕິບັດຕາມລະບຽບກົດໝາຍຢ່າງເຂັ້ມງວດ ເຮັດໃຫ້ກຸ່ມຄົນທີ່ກຳລັງຄ້າຂາຍຢາດັ່ງກ່າວມີ
ຄວາມຢ້ານກົວຕໍ່ກັບໂທດຂອງການຄ້າຂາຍຢາເສບຕິດ.
ແຫຼ່ງຂ່າວ: ໜັງສືພິມເສດຖະກິດ – ສັງຄົມ