ໃນວັນທີ 5 ຕຸລາ 2016 ຜ່ານມານີ້, ໄດ້ເກີດອຸບັດເຫດລົດກະຕໍາຜູ້ຂັບຂີ່ລົດຈັກເສຍຊີວິດຄາທີ່ແລ້ວໜີຢູ່ເສັ້ນທາງເລກ 9 ເຂດບ້ານອຸດົມໄຊ ເມືອງ ພະລານໄຊ ແຂວງສະຫັວນະເຂດ ປະຈຸບັນເຈົ້າໜ້າທີ່ຕໍາຫຼວດພວມເລັ່ງຕິດຕາມຕົວເພື່ອຮັບຜິດຊອບຕໍ່ຜົນເສຍຫາຍທີ່ ເກີດຂຶ້ນ ແລະດໍາເນີນຄະດີ.
ທ່ານ ພັຕ ນີວັນ ຈູມມະນີວົງ ຫົວໜ້າພະແນກຕໍາຫຼວດຈະລາລາຈອນ ປກສ ແຂວງສະຫວັນນະເຂດໃຫ້ຮູ້ວ່າ: ໃນເວລາປະມານ 5:00 ໂມງ ໄດ້ມີລົດກະບະຍ່ີ ຫໍ້ kia ຕໍາລົດຈັກຂອງນາງ ຈັນ ອາ ຍຸ 24 ປີ ແລະມີນາງ ແມ໋ກ ອາຍຸ 30 ປີເປັນຜູ້ຊ້ອນທ້າຍ, ໂດຍທັງສອງເປັນປະ ຊາຊົນຢູ່ບ້ານແກ້ງຫຼວງ, ເມືອງພະລານ ໄຊ, ເຮັດໃຫ້ຜູ້ຂັບຂີ່ລົດຈັກທັງສອງຄົນ ເສຍຊີວິດຄາທີ່, ຈາກນັ້ນຜູ້ກໍ່ເຫດແມ່ນ ໄດ້ເອົາຕົວຫຼົບໜີ.
ຜ່ານການລົງຊັນນະສູດສະຖານທີ່ ເກີດເຫດຂອງເຈົ້າໜ້າທີ່ໄດ້ພົບເຫັນປ້າຍລົດຄັນກໍ່ເຫດໝາຍເລກທະບຽນ ກກ 8659 ສະຫວັນນະເຂດ ຕົກເຮ່ຍຢູ່ ສະຖານທີ່ເກີດເຫດ, ຜ່ານການປະສານ ສົມທົບກັບພາກສ່ວນທີ່ກ່ຽວຂ້ອງຈຶ່ງຮູ້ ໄດ້ວ່າ: ລົດຄັນດັ່ງກ່າວນີ້ອອກຊື່ທ້າວ ວົງ ອາຍຸ 36 ປີ, ບ້ານສະພັງແກ້ວ, ເມືອງອາດສະພັງທອງ, ແຂວງສະຫວັນນະ ເຂດເປັນຜູ້ຂັບຂີ່.
ຕໍ່ມາເຈົ້າໜ້າທີ່ກໍໄດ້ມີການຕິດຕາມ ເພື່ອຈັບກຸມຕົວຈົນສາມາດພົບເຫັນລົດຄັນກໍ່ເຫດຈອດຢູ່ໜ້າເຮືອນຂອງຜູ້ກ່ຽວແຕ່ຜູ້ກໍ່ເຫດແມ່ນໄດ້ເອົາຕົວຫຼົບໜີ, ປະ ຈຸບັນເຈົ້າໜ້າທີ່ກໍາລັງຕິດຕາມບຸກຄົນດັ່ງກ່າວເພື່ອມາດໍາເນີນຄະດີຕໍ່ໄປ.
ຕິດຕາມຂ່າວເສດຖະກິດລາວ ກົດໄລຄ໌ເລີຍ!