ການນອນຫຼັບພຽງພໍ ເປັນສິ່ງສຳຄັນຫຼາຍຕໍ່ຮ່າງກາຍ ເພາະເຮັດໃຫ້ສະໝອງຈື່ຈຳດີ ຮຽນເກັ່ງອີກດ້ວຍ, ແຕ່ການນອນເດິກ ມີປັດໄຈຫຼາຍຢ່າງເຊັ່ນ ຄວາມຄຽດ, ຄິດຫຼາຍ, ມີຄວາມກັງວົນໃນໃຈ, ບໍ່ສະບາຍ ຫຼືໄດ້ຮັບສານອາຫານບາງປະເພດເຮັດໃຫ້ນອນບໍ່ຫຼັບ ຖ້າເຮົານອນເດິກຕະຫຼອດ ຈະເຮັດໃຫ້ມີຜົນກະທົບຕໍ່ຮ່າງກາຍດັ່ງນີ້
- ເຈັບປ່ວຍໄດ້ງ່າຍ: ການນອນເດິກຕະຫຼອດ ຫຼືພັກຜ່ອນບໍ່ພຽງພໍ ຈະເຮັດໃຫ້ຮ່າງກາຍອ່ອນເພຍ, ເຮັດໃຫ້ພະຍາດເຂົ້າມາສູ່ຮ່າງກາຍໄດ້ງ່າຍ, ເຮັດໃຫ້ເປັນພະຍາດຫົວໃຈໄດ້ງ່າຍ ແລະຄວາມດັນເລືອດຂຶ້ນສູງ
- ນໍ້າໜັກຂຶ້ນງ່າຍ: ເປັນສິ່ງທີ່ຫຼາຍຄົນບໍ່ມັກ ເລື່ອງທີ່ນໍ້າໜັກຂຶ້ນ ເພາະເຮົານອນເດິກຫຼາຍເທົ່າໃດ ກໍຈະເຮັດໃຫ້ເຮົາເກີດອາການຫິວໄດ້ງ່າຍແລ້ວກໍກິນ ກິນແລ້ວກໍຕຸ້ຍຂຶ້ນໄດ້ງ່າຍ ຖ້າເຮົາຫາກນອນເດິກທຸກມື້ ຕ້ອງໄດ້ກິນອາຫານມື້ລະ 4 ຄາບທຸກມື້ ຮັບຮອງວ່າຕຸ້ຍຂຶ້ນກວ່າເກົ່າຫຼາຍ
- ຮ່າງກາຍຜິດປົກກະຕິ: ຜູ້ທີ່ນອນເດິກຕະຫຼອດ ຈະເກີດຄວາມຜິດປົກກະຕິທາງດ້ານອາລົມ, ການຕອບສະໜອງຕ່າງໆລວມຮອດການເຮັດວຽກມີຄວາມຜິດພາດ ເພາະມີສະມາທິສັ້ນ ແລະຍັງເປັນຕົ້ນເຫດຂອງພະຍາດສະໝອງເສືື່ອມອີກດ້ວຍ
- ເສຍຊີວິດໄດ້ງ່າຍ: ສຳລັບຄົນທີ່ນອນເດິກຫຼາຍ ຫຼືນອນບໍ່ຫຼັບຕະຫຼອດນັ້ນ ມີການວິໄຈພົບວ່າມີຄວາມສ່ຽງເສຍຊີວິດໄດ້ງ່າຍກວ່າຄົນປົກກະຕິທົ່ວໄປ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ