ບັນເທີງດາລາ ກັບ ລາວໂພສຕ໌ ວັນນີ້ ເຮົາມີຂ່າວກ່ຽວກັບການສັ່ງຫ້າມເປີດເພງມາຝາກກັນ ເຊິ່ງເປັນຄຳສັ່ງຈາກກະຊວງຖະແຫຼງຂ່າວ-ວັດທະນະທຳ ແລະ ທ່ອງທ່ຽວ.

ຕາມແຫຼ່ງຂ່າວຈາກສະຖານີວິທະຍຸກະຈາຍສຽງ FM 90.00MHz ສິນໄຊຍຸກໃໝ່ ແຈ້ງໃຫ້ຮູ້ວ່າ ຢູ່ຄື້ນວິທະຍຸດັ່ງກ່າວໄດ້ມີປະກາດຈາກ ບັນນາທິການປະຈຳສະຖານີວິທະຍຸ ຫ້າມນັກຈັດລາຍການເປີດເພງ ຕຳໝາກແຕງ, ຄັນຫູ, ນ້ອງຢາກໄດ້ຜົວ, ທົ່ງນານ້ອຍ ຫຼືນາທົ່ງນ້ອຍ, ປາຕິໂທ້ ແລະເພງ ແທງ ໂດຍອ້າງອີງວ່າ ເປັນຄຳສັ່ງຈາກກະຊວງຖະແຫຼງຂ່າວວັດທະນະທຳແລະທ່ອງທ່ຽວ.

ເຊິ່ງຄາດວ່າທັງສາມເພງນີ້ ອາດມີເນື້ອຫາທີ່ບໍ່ເໝາະສົມ ຕາມການພິຈາລະນາຂອງທາງ ກະຊວງຖະແຫຼງຂ່າວ-ວັດທະນະທຳ ແລະ ທ່ອງທ່ຽວ ຈິ່ງໄດ້ມີຄຳສັ່ງນີ້ອອກມາ ສະນັ້ນ ກໍ່ຂໍໃຫ້ທຸກຄົນປະຕິບັດຕາມນີ້.

ໃນຂະນະທີ່ກ່ອນຫນ້ານີ້ປະມານ 3 ອາທິດ ບັນດາບົດເພງດັ່ງກ່າວຖືກຜູ້ໃຫຍ່ໃນວົງການສ່ອງແສງວ່າບໍ່ຄ່ອຍເໝາະສົມດ້ານສັບພາສາທີ່ສື່ຄວາມຫມາຍໄປແບບສອງແງ່ສອງງ່າມ ຫລືມີຄວາມຫມາຍລາມົກອະນາຈານ ນອກຈາກນັ້ນຍັງມີວິດີໂອເພງບາງເພງມີຄວາມຮຸນແຮງ ບໍ່ເໝາະສົມໃນການສາຍອອກໂທລະພາບ.

ທັງນີ້ ກໍຍັງບໍ່ເປັນທີ່ຊັດເຈນວ່າຢູ່ສະຖານີວິທະຍຸຄື້ນອື່ນ ລວມທັງໂທລະພາບໄດ້ມີຄຳສັ່ງຫ້າມດັ່ງກ່າວຫຼືບໍ່.

ເພງ ຕຳໝາກແຕງ:

ເພງ ນ້ອງຢາກໄດ້ຜົວ:

ເພງ ຄັນຫູ:

ເພງ ແທງ:

ເພງ ປາຕິໂທ້:

ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!