ຊາວພຸດສ່ວນຫຼາຍຍຶດຖືການເຮັດບຸນສິນກິນທານ ແລະ ການເຮັດດີ ສືບຕໍ່ກັນມາເປັນເວລາດົນນານຕັ້ງແຕ່ສະໃໝປູ່ຍ່າຕາຍາຍ ແລະ ມີຄວາມເຊື່ອທີ່ວ່າ ການເຮັດບຸນສິນກິນທານນັ້ນ ຈະໄດ້ຜົນບຸນຕາມມານັ້ນເອງ ການເຮັດບຸນແມ່ນມີຫຼາຍວິທີໃຫ້ເລືອກເຮັດບໍ່ວ່າຈະເປັນການທານວັດຖຸສິ່ງຂອງ, ການທານນ້ຳໃຈ ແລະ ອື່ນໆ
ໃນຄໍລຳ ສາລະໜ້າຮູ້ ມື້ນີ້ ແອັດມິນມີ 9 ວິທີເຮັດດີໄດ້ບຸນແບບບໍ່ຕ້ອງເສຍເງິນ ມາຝາກ ຖ້າຢາກຮູ້ວ່າເຮັດແບບໃດນັ້ນ ເຮົາມາອ່ານນຳກັນເລີຍ
- ຕື່ນເຊົ້າຂຶ້ນມາກໍ່ຄິດແຕ່ສິ່ງດີໆທັນທີທີ່ຕື່ນນອນ
- ຍິ້ມແຍ້ມແຈ່ມໃສໃນແຕ່ລະວັນ
- ທັກທາຍຄົນທີ່ຢູ່ອ້ອມຂ້າງດ້ວຍວາຈາສຸພາບ
- ຮູ້ຈັກແບ່ງປັນນ້ຳໃຈໃຫ້ກັບຜູ້ອື່ນ
- ຮູ້ຈັກໃຫ້ກຳລັງ ແລະ ຊ່ວຍເຫຼືອຄົນອື່ນ
- ໃຫ້ຄຳຊື່ນຊົມຍິນດີກັບຄົນອື່ນດ້ວຍຄວາມຈິງໃຈ
- ແນະນຳໃຫ້ຄຳສອນທີ່ມີຄຸນຄ່າແກ່ຜູ້ອື່ນ
- ຮູ້ຈັກໃຫ້ອະໄພໃນຄວາມຜິດພາດຂອງຜູ້ອື່ນ
- ຝຶກຈິດໃຈໃຫ້ສະຫງົບ ປ່ອຍວາງ ມີສະຕິ
ສັງເກດເວລາທີ່ເຮົາໄປເຮັດບຸນຢູວັດມາແລ້ວເຮົາຮູ້ສຶກມີຄວາມສຸກສະບາຍໃຈ ເຊິ່ງການກະທຳທີ່ກ່າວມາທັງໝົດ 9 ຂໍ້ຂ້າງເທິງນີ້ກໍ່ເຊັ່ນດຽວກັນ ເມື່ອເຮັດແລ້ວເຮົາກໍ່ຈະເກີດຄວາມສຸກ ຄວາມສະບາຍໃຈ ເກີດມິດຫຼາຍກວ່າສັດຕູ ປຽບເໝືອນການສ້າງຄວາມສຸກໃຫ້ກັບຊີວິດ ນັ້ນກໍ່ຖືວ່າເປັນບຸນຂອງເຂົາແລ້ວ ເຖິງຈະບໍ່ສາມາດຈັບຕ້ອງໄດ້ ແຕ່ກໍ່ສາມາດຮູ້ສຶກໄດ້ ຖ້າເຮົາມີຄວາມສຸກກາຍສຸກໃຈ ໃນການກະທຳທີ່ເຮົາເຮັດລົງໄປ ກໍ່ຖືວ່າເຮົາໄດ້ຮັບຜົນບຸນຕອບແທນຈາກການກະທຳທີ່ເຮົາເຮັດແລ້ວ
ທີ່ມາຈາກ: http://www.meemodel.com/column/column156
ຕິດຕາມນານາສາລະ ກົດໄລຄ໌ເລີຍ!