ບັນເທີງດາລາ ກັບ ລາວໂພສຕ໌ ວັນນີ້ ເຮົາມີຂ່າວຂອງ ສາວ ເອັມມີ້ ມໍລະກົດ ອະດີດ MISS THAILAND UNIVERSE 2004 ແລະ ປັດຈຸບັນເປັນດາລານັກສະແດງສັງກັດຢູ່ຊ່ອງ 3 ພ້ອມເປັນນາງແບບສື່ດັງອີກຄົນໜຶ່ງຂອງເມືອງໄທ ໄດ້ຄວງຄູ່ຫວານໃຈ ໄຮໂຊເຈມ ແລະ ຄອບຄົວມາທ່ຽວທີ່ຫຼວງພະບາງ ຢ່າງຫວານຊື່ນ ເຊິ່ງນາງໄດ້ໂພສຂໍ້ຄວາມພ້ອມຮູບພາບ ໃນຂະນະທີ່ມາຮອດສະໜາມບິນຫຼວງພະບາງເມື່ອມື້ວັນທີ 4 ຕຸລາ 2016 ທີ່ຜ່ານມາ ລົງຜ່ານເຟສບຸກ ແລະ ອິນສະຕາແກຣມ ສ່ວນຕົວຂອງນາງ ທີ່ມີຊື່ວ່າ Aimee Morakot
ເຊິ່ງການມາທ່ຽວຄັ້ງນີ້ນອກຈາກຈະເຫັນຄວາມຫວານຊ່ຳລະຫວ່າງ ເອັມມີ້ ກັບ ຫວານໃຈ ໄຮໂຊເຈມແລ້ວ ຍັງເຮັດນາງນຸ່ງສິ້ນລາວ, ໃສ່ບາດເຂົ້າໜຽວ ແລະ ທ່ຽວຊົມເມືອງຫຼວງພະບາງ ເຊິ່ງບອກເລີຍວ່າ ການມາຂອງນາງໃນຄັ້ງນີ້ໄດ້ຮັບຄວາມສົນໃຈ ແລະ ໄດ້ຮັບການຕ້ອນຮັບຢ່າງອົບອຸ່ນຈາກຊາວເມືອງຫຼວງພະບາງ ເອົາເປັນວ່າບໍ່ເວົ້າຫຼາຍຢາຍຫ່າງ ເຮົາມາເບິ່ງພາບຄວາມປະທັບໃຈຂອງເອັມມີ ກັບ ຫວານໃຈຂອງນາງໃນການມາທ່ຽວຫຼວງພະບາງໃນຄັ້ງນີ້ກັນດີກວ່າ
ຂໍ້ມູນ ແລະ ຮູບພາບຈາກ: ເຟສບຸກ ແລະ ອິນສະຕາແກຣມຂອງ Aimee Morakot
—————————
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!