ສຳນັກຂ່າວ AFP ລາຍງານໃນວັນທີ 6 ຕຸລາຜ່ານມານີ້ວ່າ ພາຍຸໄຕ້ຝຸ່ນຊາບາ (Chaba) ໄດ້ພັດຖະຫລົ່ມເຂົ້າຊາຍຝັ່ງ ທາງພາກໃຕ້ຂອງປະເທດເກົາຫລີໃຕ້ ສົ່ງຜົນເຮັດໃຫ້ມີກະແສລົມພັດແຮງ ເກີດມີຝົນຕົກໜັກ ແລະ ນ້ຳຖ້ວມກະທັນຫັນ ສ້າງຄວາມເສຍຫາຍໃຫ້ແກ່ເມືອງປູຊານ ເມືອງໃຫຍ່ອັນດັບສອງຂອງປະເທດນີ້ ແລະ ເມືອງອຸດສາຫະກຳອຸນຊັນ, ທາງການລາຍງານ ມີຜູ້ເສຍຊີວິດແລ້ວ 6 ຄົນ ແລະ ສູນຫາຍ 4 ຄົນ.
ສະເພາະຢູ່ເມືອງອຸນຊັນ ຊຶ່ງເປັນເມືອງອຸດສາຫະກຳ ເປັນທີ່ຕັ້ງຂອງໂຮງງານຜະລິດຂອງ ບໍລິສັດ Hyundai Motor ເຮັດໃຫ້ໂຮງງານຜະລິດ 2 ແຫ່ງຕ້ອງຖືກປິດ ພາຍຫລັງພາຍຸມາເຖິງ ແລະ ຮອດມື້ນີ້ (6 ຕຸລາ) ຍັງມີໂຮງງານຜະລິດລົດຂອງຮຸນໄດ ຍັງຄົງປິດຢູ່ ເນື່ອງຈາກຜົນເສຍຫາຍຈາກນ້ຳຖ້ວມ.
ຕິດຕາມເຮົາທາງFacebook ກົດຖືກໃຈເລີຍ!