ມາກາ ສື່ດັງຂອງແອັດສະປາຍລາຍງານຂ່າວວ່າ ຟີຟາ ຈະຊ່ວຍອອກເງິນຄ່າປິ່ນປົວ ເນມາ ກອງໜ້າ
ທີມຊາດບຣາຊິນ ຊຶ່ງຈຳນວນເງິນລວມປະມານ 238.000 ເອີໂຣ.
ສະຫະພັນບານເຕະນານາຊາດ (ຟີຟາ) ຈະຊ່ວຍຄ່າປິ່ນປົວໃຫ້ໃນກໍລະນີກອງໜ້າຈາກບາເຊໂລນາໄດ້
ຮັບບາດເຈັບ ຈົນກະດູກສັນຫຼັງເຄື່ອນຈາກການແຂ່ງຂັນບານເຕະໂລກ 2014 ຮອບກ່ອນຮອງຊະນະ
ເລີດ (ຮອບ 8 ທີມ) ນັດທີບຣາຊິນ ຊະນະ ໂກໂລມບີ 21 ປະຕູ ໃນຈັງຫວະທີ່ຖືກ ຮວນ ຄາມິໂລ ຊູນຍິກາ
ແທງເຂົ່າເຂົ້າເຕັມຫຼັງຈົນຕ້ອງພັກຮັບການປິ່ນປົວ 40 ວັນ ຈາກເຫດການດັ່ງກ່າວເຮັດໃຫ້ ເນມາ
ໝົດສິດຊ່ວຍທີມໃນທຸກນັດທີ່ເຫຼືອ ແລະ ມີສ່ວນເຮັດໃຫ້ບຣາຊິນຕ້ອງປະລາໄຊຕໍ່ເຢຍລະມັນແບບ
ຂາດລອຍ 17 ປະຕູ ໃນຮອບ 4 ທີມ.
ທັງນີ້ ດ້ານ ຟີຟາ ລະບູໄວ້ວ່າຈະເປັນຜູ້ອອກຄ່າປິ່ນປົວແທນສະໂມສອນ ສຳລັບທຸກກໍລະນີທີ່ນັກເຕະ
ໄດ້ຮັບບາດເຈັບ ໂດຍຈະມີການຈ່າຍເງິນໃຫ້ຫຼັງຈາກທີ່ນັກເຕະຄົນນັ້ນໄດ້ຮັບບາດເຈັບພາຍໃນ 28 ວັນ
ໝາຍຄວາມວ່າເງິນຄ່າປິ່ນປົວໃນກໍລະນີຂອງ ເນມາ ຈະມີການຈ່າຍໃຫ້ໃນວັນທີ 4 ສິງຫາ 2014 ສຳລັບ
ເງິນຈຳນວນທີ່ຟີຟາຊ່ວຍອອກເງິນຈ່າຍໃຫ້ນັ້ນຈະວັດຈາກຄ່າເມື່ອຍ ຂອງນັກເຕະຄົນນັ້ນ ຊຶ່ງຈາກກໍ
ລະນີທີ່ຄ່າຈ້າງໂດຍລວມຂອງ ເນມາ ປະມານ 5,1 ລ້ານເອີໂຣ ຟີຟາຕ້ອງຈ່າຍຄ່າປິ່ນປົວຈຳນວນ 13.972
ເອີໂຣຕໍ່ວັນ ລວມແລ້ວຟີຟາ ຈະຈ່າຍໃຫ້ຢູ່ທີ 238.000 ເອີໂຣ.
ແຫຼ່ງຂ່າວ: ໜັງສືພິມເສດຖະກິດ – ສັງຄົມ