ຕາມແຫລ່ງຂ່າວທ້ອງຖິ່ນໄດ້ມີການເປີດເຜີຍອາທິດນີ້ວ່າ: ອໍານາດການປົກຄອງແຂວງສາລະວັນໄດ້ອອກລະບຽບສັ່ງກວດກາປັດສະວາພະນັກງານ ແລະ ເຈົ້າໜ້າທີ່ລັດພາຍໃນແຂວງຂອງຕົນເປັນການຮີບດ່ວນ ພາຍຫລັງສົ່ງໃສວ່າມີການໃຊ້ຢາເສບຕິດໃນຖັນແຖວຂອງພະນັກງານ. ການກວດຫາສານເສບຕິດຄັ້ງນີ້ແມ່ນມາດຕະການໜຶ່ງເພື່ອຫລຸດຜ່ອນບັນຫາຫຍໍ້ທໍ້ ແລະ ກໍາຈັດໄພສັງຄົມໃຫ້ຫລຸດໜ້ອຍຖອຍລົງ ພ້ອມນີ້ກໍຍັງເປັນການສະແຫວງຫາຄົນດີມີຄຸນນະພາບເພື່ອເປັນກໍາລັງສໍາຄັນໃນການສ້າງສາພັດທະນາປະເທດໃຫ້ມີຄວາມຜາສຸກ ແລະ ປະເທດຊາດຈະເລີ່ນຮຸ່ງເຮືອງຂຶ້ນເປັນກ້າວ.

ຈາກຜົນຂອງການກວດກາຄັ້ງດັ່ງກ່າວສາມາດເຫັນວ່າມີພະນັກງານ-ເຈົ້າໜ້າທີ່ລັດຫລາຍຄົນກ່ຽວຂອ້ງກັບຢາເສບຕິດຍ້ອນນໍ້າປັດສະວາກາຍເປັນສີມ້ວງ ແລະ ເຈົ້າໜ້າທີ່ຈະໄດ້ສືບຕໍ່ປະຕິບັດວິໄນ ແລະ ໄລ່ອອກຈາກວຽກ.
2 ເດື່ອນມານີ້, ປະຊາຊົນພາຍໃນແຂວງສາລະວັນໄດ້ສະແດງຄວາມຍ້ອງຍໍຊົມເຊີຍ ແລະ ຂອບໃຈອໍານາດປົກຄອງສາລະວັນຢ່າງສຸດໃຈ ໃນກໍລະນີ ເຮັດແທ້ທໍາຈິງກ່ຽວກັບການຜັນຂະຫຍາຍ ແລະ ຈັດຕັ້ງປະຕິບັດຄໍາສັ່ງເລກ 15 ຂອງທ່ານນາຍົກວ່າດ້ວຍການຫ້າມສົ່ງອອກໄມ້ ແລະ ຂຸດຄົ້ນເປັນຮູບປະທໍາຢ່າງແທ້ຈິງ, ເຮັດໃຫ້ສະພາບການຂຸດຄົ້ນໄມ້ ແລະ ຕັດໄມ້ເຖື່ອນມິດງຽບດ້ວຍຄວາມສະຫງົບ ແລະ ເປັນລະບຽບຮຽບຮ້ອຍຢ່າງຈົບງາມ.

ໂດຍ: ສອດສ່ອງ

ແຫລ່ງຂ່າວຈາກ: ສຳນັກຂ່າວສານປະເທດລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!